SPORTS

Nasungkit ng Philippine Azkals ang pinakamataas na FIFA ranking nito.

Batay sa inilabas na ranking ng World Football Governing Body, nakuha ngayon ng Philippine Football Team ang ika- 115 spot.

Nangangahulugang 20 spot ang inilundag ng Azkals mula sa dating ika -135 ranking nito.

Ang Pilipinas ang may pinakamataas na ranggo ngayon sa football sa buong Southeast Asia.

Samantala, nananatili namang nangunguna sa buong mundo pagdating sa football ang koponan ng Argentina habang nasa top five ang Belgium, Chile, Colombia at Germany.

By Ralph Obina 

Pasok na sa finals ang Alaska Aces matapos manaig sa do or die game 5 kontra Meralco Bolts sa Oppo PBA Commissioner’s Cup.

Naitala sa 96-70 ang final score bakbakan ng Aces at Bolts kagabi sa Smart Araneta Coliseum kung saan itinanghal na best player of the game si Calvin Abueva na gumawa ng 19 points at walong rebounds.

Double double, 14 points at 18 rebounds naman ang ginawa ng import na si Rob Dozier.

Makakaharap ng Aces ang Rain or Shine Elasto Painters sa championship game na ang first game ay itinakda bukas, May 6.

By Judith Larino

Photo Credit: PBA Images  

Patuloy na umaasa ang Alliance of Boxing Associations in the Philippines o ABAP na papayag si pambansang kamao Manny Pacquiao na lumaban sa darating na 2016 Rio Olympics.

Sa katunayan, nagreserba na ng isang slot sa light welterweight division ang Philippine Boxing Team para kay Pacquiao.

Nilinaw naman ang ABAP na sakaling pumayag si Pacquiao na maging kinatawan ng Pilipinas sa Olympics ay hindi na nito kailangan pang dumaan sa qualifying matches.

Ito ay dahil sa papasok anila si Pacquiao sa Olympics sa pamamagitan ng Tripartite Commission Invitation o kilala bilang wildcard slot.

Matatandaang una nang inihayag ni Pacquiao ang kanyang pagreretiro sa professional boxing matapos ang matagumpay na laban kontra kay Timothy Bradley.

By Ralph Obina  

Maghaharap sa do or die game o game 5 ang Alaska Aces at Meralco Bolts sa semifinals series ng 2016 PBA Commissioners Cup bukas.

Ito ay matapos padapain ng Bolts ang Aces sa Game 4 ng serye kung saan naitala ang final score na 86-70.

Itinanghal na Best Player of the Game ang import na si Arinze Onuaku na gumawa ng 16 points, 16 rebounds at limang blocks.

Nagsilbi namang highest scorer si Jared Dillinger na gumawa ng 17 points para sa Meralco.

By  Judith Larino  

Photo: PBA Images

Determinado ang world number five na si Rafael Nadal na ipanalo ang Madrid Masters.

Bukod sa nais ni Nadal na mapawi ang duda ng kanyang fans sa kung kaya pa nitong tumagal sa clay court, layon din ng Español na ituring siyang leading contender sa Roland Garros na magsisimula sa Mayo 16.

Matatandaang, hirap si Nadal noong isang taon kung saan dalawa lamang ang napanalunan niya.

Ngunit ngayong taon, bumabawi si Nadal.

Napanalunan na nito ang Monte Carlo Masters at ang Barcelona Open 2016.

By  Avee Devierte  

Photo Credit: REX

Maghaharap ang mga koponang Toronto Raptors at Miami Heat sa ikalawang yugto ng Eastern Conference Finals sa NBA.

Ito’y makaraang ungusan ng Raptors ang Indiana Pacers sa Game 7 ng unang round sa iskor na 89-84.

Naging susi sa panalo ng Raptors ang pagiging dominante nito sa ikatlong quarter ng laro na sinabayan pa ng 14 na puntos na lamang nito sa fourth quarter.

Samantala, nilampaso naman ng Heat ang Charlotte Hornets sa iskor na 106-73.

Naging maganda ang kamada sa pagitan nila Goran Dragic Loul Deng, Dwayne Wade at Hassan Whiteside na siyang dahilan upang manalo ang kanilang koponan.

By Jaymark Dagala

Photo Credit: FRANK GUNN / THE CANADIAN PRESS

Tinapos nang tuluyan ng Rain or Shine ang kampanya ng San Miguel Beer sa semifinal series ng PBA Commissioner’s Cup kung saan naitala ang final score sa 124-99.

Itinuturing na vintage performance ang ipinakita ni Paul Lee habang naging maganda rin ang pag-arangkada sa court nina Pierre Henderson-Niles at Gabe Norwood para sa Elasto Painters.

Nahirapan umano ang Beermen sa effort ng E Painters sa third quarter.

By  Judith Larino  

Photo: PBA Images