Tinambakan ng Alaska Aces ang Meralco Bolts sa Game 3 ng best of 5 Semifinal series ng 2016 PBA Commissioners Cup.
Dahil ditto hawak na ng Aces ang 2-1 lead at tiniyak na tatapusin ang bakbakan sa Game 4.
Pinangunahan ni Rob Dozier ang Aces matapos gumawa ng 25 points samantalang itinanghal namang best player of the game si Calvin Abueva na naka-23 points.
By Judith Larino
Photo: PBA Images
Nagbitiw na si Mahindra Enforcers’ First Assistant Coach Chito Victolero dahil sa isyung pangkalusugan.
Kinumpirma ito mismo ni Team Manager Eric Pineda.
Pinangunahan ni Victolero ang 15 panalo ng Mahindra sa apat na conference sa PBA, subalit nabigo itong maipasok ang koponan sa Playoffs ng Commissioner’s Cup.
Samantala, itinalaga si Chris Gavina bilang bagong first assistant coach ng Mahindra.
By Meann Tanbio
Tuluyan nang winalis ng Atlanta Hawks ang Boston Celtics sa Eastern Conference ng NBA.
Pinataob ng Hawks ang Celtics sa huling paghaharap sa Game 6 sa final score na 104-92.
Umiskor ng 17 points at 8 rebounds pabor sa Hawks si Paul Millsap samantalang tig-15 points naman ang ambag nina Al Horford at Kent Bazemore para sa tagumpay ng team.
Haharapin ng Atlanta ang Cleveland Cavaliers sa second round na magsisimula sa Lunes sa Quicken Loans Arena.
Magugunitang natalo ang Hawks sa tatlong beses na pakikipagsagupa sa Cavaliers noong regular season bukod pa sa hindi rin umubra ang Atlanta sa Cleveland nang magtagpo sa Eastern Conference Finals noong last season.
By Judith Larino
Nakabawi ang San Miguel Beermen kontra sa Rain or Shine Elasto Painters sa Game 3 ng Oppo PBA Commissioner’s Cup sa score na 104-98.
Kahit hindi naglaro ang kanilang import na si Tyler Wilkerson, hindi nagpadaig ang Beermen sa Elastro Painters.
Kumamada si Marcio Lassiter ng 30 points para sa panalo ng San Miguel.
By Mariboy Ysibido
Photo: PBA Images
Nakatakdang depensahan ni Pinoy boxer Donnie “Ahas” Nietes ang kanyang WBO Junior Flyweight title kontra Mexican boxer Raul “Rayito” Garcia sa Mayo 28.
Ayon kay Nietes, target niya ang knockout win kontra Garcia, bagay na hindi niya nagawa nang makabakbakan niya ang kakambal nito na si Ramon Garcia Hilares noong 2011.
Matatandaan nanalo si Nietes laban kay Hirales, via unanimous decision.
Ang laban sa pagitan nina Nietes at Garcia ay gaganapin sa University of La Salle Coliseum sa Bacolod City.
By Meann Tanbio
Tabla na sa standing na 1-1 ang Meralco Bolts at Alaska Aces matapos talunin ng Bolts ang Aces sa Game 2 ng Best-of-Five Semifinals series ng Oppo PBA Commissioner’s Cup, 92-87.
Nag-ambag ng malaki si Jared Dillinger na naka-dalawang three-points sa huling tatlong minuto ng laro.
Sa fourth quarter lamang umiskor si Dillinger ng 13 points na may kabuuang score na 20.
Tinangka ng Aces na habulin ang score ng Bolts pero kinapos ang koponan sa oras.
Naka-18 points naman si Abueva para sa Alaska.
By Mariboy Ysibido
Photo: PBA Images
Sumulat si 14-time grand slam champion Rafael Nadal sa presidente ng International Tennis Federation kasunod ng doping issue.
Hiniling ni Nadal kay ITF President David Haggerty na isapubliko ang resulta ng kanyang drug test at blood profile records.
Ito’y makaraang akusahan ang tennis superstar ng isang dating minister ng French government na gumagamit umano siya ng droga.
Kinumpirma naman ng pamunuan ng ITF na natanggap na nila ang liham ni Nadal at kabilang sa request nito na maipalabas ang drug test results sa ilalim ng tennis anti-doping program.
By Meann Tanbio
Panalo sa second game ng Best-of-Five PBA Semifinals Series ang Rain or Shine laban sa San Miguel sa score na 98-96.
Itinanghal naman na Best Player of the Game si Pierre Henderson-Niles na naka-15 points at 16 rebounds.
Hawak na ng Elasto Painters ang 2-0 lead.
Sa Huwebes maghaharap para sa third game ang dalawang koponan.
By Mariboy Ysibido
Photo: PBA Images
Aabutin pa ng hindi bababa sa 2 linggo bago muling makapaglaro si Stephen Curry.
Ito ay matapos mapag-alaman na ang nangyari kay Curry ay grade 1 sprain ng MCL o medial collateral ligament sa kanyang kanang tuhod.
Ayon kay Bob Myers, General Manager ng Golden State, maituturing nilang good news ang naturang development dahil hindi na kakailangan ni Curry na sumalang sa MRI.
Ang grade 1 MCL injury ay kadalasang gumagaling sa loob ng isa hanggang tatlong linggong pamamahinga o home treatment na may kasamang paggamit ng saklay.
Si Curry ay nagkaroon ng MCL injury sa first half ng kanilang laban kontra Houston nitong linggo.
By Katrina Valle
Panalo ang Alaska Aces laban sa Meralco Bolts sa best-of-five semifinals series ng 2016 Oppo PBA Commissioner’s Cup 97-94.
Ikinatuwa ni aces coach alex compton ang magandang performance ni rj jazul na naka-18 points para pangunahan ang panalo ng alaska.
Dinagdagan naman ni Calvin Abueva ng 15 puntos ang panalo ng grupo habang 13 points naman ang ginawa ni Cyrus Baguio habang 10 points ang iniambag ni Chris Banchero.
Naka-21 points naman si Reynel Hugnatan para sa MERALCO.
Ang Game 2 ay isasagawa sa Miyerkules sa parehong venue, sa Smart Araneta Coliseum.
By Mariboy Ysibido
Photo: PBA Images