SPORTS

Nakatakdang sumailalim si Golden State Warriors Star Stephen Curry sa magnetic resonance imaging o MRI dahil sa tinamo nitong injury sa kanang tuhod.

Kasunod na rin ito ng pagkakadulas ni Curry sa first half ng laban kontra Houston Rockets nitong Linggo.

Matatandaang dalawang beses na hindi nakalaro ang reigning NBA Most Valuable Player dahil sa iniindang right ankle injury.

Umaasa naman si Warriors Coach Steve Kerr na magiging maayos ang lagay ni Curry matapos nitong sumailalim sa MRI.

By  Meann Tanbio 

Photo Credit: AP Photo/David J. Phillip 

Inaabangan na ng mga NBA fans ang Game 4 ng best of seven sa Western Conference series ng NBA.

Kahapon, nasungkit ng Portland Trail Blazers ang isang panalo kontra sa Los Angeles Clippers sa score na 96-88.

Nagstand-out sa nasabing laro si Damian Lillard na nakapagbuslo ng 32 puntos pabor sa Blazers.

Sinegundahan naman ni CJ Mc Collum ang mga naibuslo ni Lillard habang si Chris Paul naman ang nagsara sa panig ng Clippers nang makapagbuslo ito ng 26 na puntos.

By Jaymark Dagala  

Naidepensa ni Nonito “The Filipino Flash” Donaire ang kanyang korona laban sa Hungarian Olympian na si Zsolt Bedak.

Napabagsak ni Donaire si Bedak sa ikatlong round dahilan para hindi maagaw sa kaniya ang WBO World Super Bantamweight Title.

Tatlong beses napabagsak ni Donaire si Bedak sa pamamagitan ng dalawang left hook nito sa Round 2 dahilan para damdamin ito ni Hungarian boxer.

Dahil dito, naitaas na ni Donaire ang kanyang record sa 37-3 kabilang na ang 24 knockouts habang bumaba naman ang record ni Bedak sa 25-2 kasama ang 8 knockouts.

By Jaymark Dagala

Kumpiyansa si Stephen Curry na makakapaglaro na siya sa Game 4 ng Golden State Warriors at Houston Rockets.

Hindi nakapaglaro si Curry sa pagbubukas ng play-off series at sa huling dalawang laban dahil sa injury.

Nanalo ang Golden State sa unang laban, subalit naibuslo ng Houston ang Game 3, dahilan upang maibaba sa 2-1 ang series deficit.

By Katrina Valle  

Kumpiyansa ang kampo ni 5-Division Champion Nonito Donaire Jr. na mapapabagsak nito ang kalabang Hungarian na si Zsolt Bedak sa salpukan ng dalawang boksingero sa Abril 23, ngayong darating na Sabado.

Ayon sa coach at ama ng The Filipino Flash na si Donaire Sr., mahina ang mga suntok ni Bedak lalo na ang hook punch nito na mistulang pambabaeng suntok aniya.

Dahil dito, naniniwala ang nakatatandaang Donaire na hindi rin magagawa ni Bedak na mapabagsak ang kanyang anak.

Ang bakbakang Donaire at Bedak ay gaganapin sa Cebu Sports Center.

By  Ralph Obina  

Walang nakitang anumang dapat ikabahala sa kanang bukong bukong ni reigning MVP Stephen Curry.

Ito ang resulta ng MRI ni Curry makaraan itong hindi makapaglaro noong Martes kontra Houston Rockets dahil sa iniinda nitong injury.

Ayon kay Warriors Coach Steve Kerr, bagamat ganito ang kalagayan ni Curry ay oobserbahan pa ito sa mga susunod na araw bago pagdesisyunan kung lalaro ito o hindi sa laban ng koponan sa Biyernes.

Iginiit ni Kerr na kalusugan pa rin ng kanyang players ang prayoridad ng koponan.

By  Ralph Obina  

Matagumpay na naibulsa ni Spanish tennis star Rafael Nadal ang ika-siyam na titulo nito sa Monte Carlo Masters.

Ito ay makaraang talunin sa finals ni Nadal ang pambato ng France na si Gael Monfils sa iskor na 7-5, 5-7 at 6-0.

Ayon kay Nadal, malaking bagay ang panalong ito dahil sa patunay lamang aniya ito na may improvement pa sa kanyang laro.

Susunod naman na tatargetin ngayon ni Nadal ang masungkit ang ika-siyam na titulo sa Barcelona kung saan 2013 pa nang huli siyang nanalo dito.

Ang titulo sa monte carlo ang unang kampeonato na naibulsa ni Nadal ngayong taon habang tatlo lamang ang napagwagian nito noong 2015.

By  Ralph Obina