SPORTS

Sinibak na ang coach ng Sacramento Kings na si George Karl.

Ayon sa koponan, ito ay dahil sa isa na namang nakadidismayang NBA season para sa Sacramento Kings na may 33 panalo at 49 na talo.

Sinabi ng pamunuan ng Sacramento, masakit sa kanilang kalooban ang patalsikin si Karl ngunit kailangan aniya nila itong gawin para sa improvement ng kanilang team.

Sinasabing nabigyan ng apat na taong kontrata si Karl noong Pebrero 2015 ngunit ang paghawak nito sa koponan ay hindi naging epektibo.

Dahil dito, kailanang mag-hire ng Kings ng pang-siyam nilang coach simula noong 2006.

By  Ralph Obina  

Opisyal nang isinara ni Los Angeles Lakers’ superstar Kobe Bryant ang posibildad ng muling pagsabak sa NBA.

Ito ang kinumpirma ni Bryant sa isang press conference matapos ang kanyang 60-point farewell performance laban sa Utah Jazz.

Pinangunahan ng tinaguriang the ‘The Black Mamba’ ang come form behind na panalo ng Lakers kontra Jazz sa score na 101-96.

Ang 60-point performance ni Bryant ay pinakamataas na score ng isang NBA player sa kanyang farewell game.

Sa kabuuan ng kanyang career, nakapagtala si Bryant ng 33,643 career points, 5 championship title, 18 All-Star games appearance at nagwagi ng 1 MVP trophy.

Ani Bryant, “You might catch a glimpse of me on Twitter or Instagram, but I’ll never play in an NBA game again.”

By  Mark Makalalad  

Tinapos na ni 5-time NBA Champion Kobe Bryant ang kanyang 20 taong basketball career.

Ito’y sa pamamagitan ng 60 puntos na kanayang sinikwat sa huling laro niya sa NBA at Los Angeles Lakers kontra Utah Jazz.

Matagumpay na pinangunahan ni Bryant ang panalo ng Lakers kung saan ay nagpakawala ito ng mga tres sa huling quarter ng laro dahilan upang makahabol ang Los Angeles at tuluyang maiselyo ang laro sa iskor na 101-96.

Sa huli, pinasalamatan ni Bryant ang kanyang pamilya, mga kasamahan at mga basketball fan para sa suporta aniyang ibinigay sa kanya ng mga ito sa kanyang 20 taong boxing career.

‘Tribute for a champ’

Isang tribute ang ibinigay ng NBA para kay 5-time NBA Champion Kobe Bryant.

Ito ay para sa huling laro ni Kobe kung saan pinangunahan nito ang Los Angeles Lakers kontra sa Utah Jazz.

Ngayong araw ang pagtatapos ng 20 taong karera sa basketball ni Kobe matapos itong mag-desisyong mag-retiro na at hubarin ang kanyang basketball jersey.

Ilan sa mga nagbigay ng mensahe kay Kobe ay ang mga dati at kasalukuyang kasamahan sa Lakers gaya ni Shaquille O’Neal, mga nakalaban gaya nila Lebron James at Stephen Curry at dating coach na si Phil Jackson.

Kabilang sa makasaysayang basketball record ni Kobe ay ang naitalang 33,521 career points nito na pangatlo sa NBA history kasunod nila Kareem Abdul-Jabbar at Karl Malone.

Hawak din ni Kobe ang pangatlong may pinakamaraming puntos sa NBA Playoffs sunod kina basketball legend Michael Jordan at Kareem Abdul-Jabbar matapos nitong makapagtala ng 5,640 points.

Si Kobe din ang pangalawa sa NBA history na may pinakamaraming naipuntos sa loob ng isang laro makaraang kumana si Kobe ng 81 points sa laban ng Lakers kontra Toronto Raptors noong 2006.

By Ralph Obina

Photo Credit: Reuters    

Pinaplantsa na ng lokal na pamahalaan ng General Santos ang pagbibigay ng ‘grand hero’s welcome’ kay 8-Division World Champion Manny Pacquiao.

Ito ay kasunod nang panalo ng Pambansang Kamao sa ikatlong pagtutuos nila ni Timothy Bradley na ginanap sa MGM Grand Arena sa Las Vegas, Nevada.

Ayon kay General Santos City Mayor Ronnel Rivera, naghahanda na sila para sa homecoming ni Pacquiao na nakatakda sa Huwebes, April 14.

Inaasahan na mas magiging mas mainit ang pagsalubong kay Pacquiao at magkakaroon ito ng motorcade mula sa city airport hanggang sa down town area.

Samantala, isang motorcade din ang ikakasa na magdadala sa kanya sa Alabel town sa Sarangani, kung saan madalas ginagawa ang grand celebration at press conference ng kanyang pagkapanalo.

Dagdag pa ni Rivera, mayroon ng initial arrangement ang city government ng GenSan sa Saranggani Province para sa home coming celebration ni Pacquiao.

Si Pacquiao ay lumaki sa Barangay Labangal sa GenSan kung saan itinuturing syang ‘local hero.’

Ang Pinoy boxing ring icon ay tumanggap ng World Boxing Organization international welterweight belt bilang special recognition sa panalo nito kontra Timothy Bradley.

By Mark Makalalad

Photo Credit: Reuters

Nasungkit ng Golden State Warriors ang ika-72 nilang panalo ngayong NBA season.

Ito ay makaraang talunin ng Warriors ang San Antonio Spurs sa iskor na 92-86 sa pagpapatuloy ng Western Conference.

Dahil dito, napantayan na ng Warriors ang regular season wins ng Chicago Bulls noong 1995 hanggang 1996 na may 72 panalo at 10 talo.

Target naman ngayon ng Warriors na makapagtala ng panibagong record sa oras na manalo sa susunod nilang laban.

Nanguna sa panalo ng Warriors si reigning MVP Stephen Curry na kumamada ng 37 puntos.

By  Ralph Obina   

Photo Credit: Kyle Terada/USA TODAY Sports