SPORTS

Tila walang plano si San Miguel Coach Leo Austria na paglaruin ang kanyang bagong player na si Gary David.

Ngunit dahil sa kahilingan ng fans ay ginamit ni Austria si David sa huling yugto ng 4th quarter upang palitan si Marcio Lassiter.

Agad namang kumonekta ng 2 puntos si David sa pamamagitan ng baseline reverse para tampukan ang panalo ng Beermen kontra Phoenix Fuel Masters sa score na 121-109.

Lumamang ang Fuel Masters ng 19 puntos sa first half pero nahabol ito ng Beermen at nagtapos ang match sa score na 121-109.

Pinangunahan ni Wikerson ang panalo ng San Miguel matapos kumamada ng 40 puntos.

By Mark Makalalad

Photo Credit: PBA Images

Naka-depende sa magiging resulta ng laban ni Congressman Manny Pacquiao kay Timothy Bradley sa Linggo ang tsansa rin nitong manalo sa hinahangad na mas mataas na posisyon sa darating na eleksyon.

Pananaw ito ni Sports analyst Ronnie Nathanielz kaya’t nakikita aniya niyang ang pagiging agresibo ni Pacman para manalo sa nasabing farewell fight.

“Si Pacquiao will be aggressive kasi gusto niya his last fight, he wants a spectacular win, kasi his performance is tied up with his senatorial bid, kaya additional motivation, additional incentive and if he wins handsomely it will enhance his chances kasi yung defeat for him will be disastrous for his senatorial bid because Filipinos like winners.” Pahayag ni Nathanielsz.

By  Judith Larino | Karambola      

Kinukunsidera ni boxing champ Manny Pacquiao ang pagsabak sa Rio Olympics sa Agosto.

Ayon kay Pacquiao, pinag-iisipan niyang mabuti ang nasabing plano.

Idinagdag pa ni Pacquiao na kailangan pa niyang alamin mula sa mga boxing official kung papayagan sa Olympic Games ang professional boxers.

Samantala, muling tiniyak ng Pambansang Kamao na handang-handa na siya sa kanyang laban kontra American boxer Timothy Bradley sa Linggo, na gaganapin sa MGM Grand sa Las Vegas.

By Meann Tanbio 

Gutom sa panalo.

Ito ang nararamdaman ni Pambansang Kamao at 8-Division World Champion Manny Pacquiao sa nakatakda nitong laban sa linggo kontra kay Timothy Bradley.

Sinabi ni Pacquiao na gutom na gutom siya sa panalo matapos ang 11 buwan kung saan siya tinalo ni undefeated boxer Floyd Mayweather Jr.

Iginiit ni Pacquiao na kailangang kailangan niyang manalo sa laban kontra Bradley lalo’t ito na aniya ang kanyang huling laban.

Nais ni Pacquiao na makapag-iwan ng magandang legasiya sa boksing bago man lamang isabit ang kanyang boxing gloves.

By  Ralph Obina  

Pinataob ng Boston Celtics ang New Orleans Pelicans sa kanilang paghaharap kanina sa iskor na 104-97.

Nanguna sa panalo ng Celtics si Isaiah Thomas na nakapagtala ng 32 puntos.

Malaki rin ang naitulong ng 14 points ni Jae Crowder habang 13 points naman ang naiambag ni Avery Bradley.

Malaki kawalan naman para sa New Orleans ang pagkawala sa laro ng limang top scorers ng kanilang koponan dahil sa mga iniindang injuries.

Tanging 8 manlalaro lamang ang aktibong sumagupa kontra Celtics.

By Ralph Obina  

Photo Credit: (AP Photo/Michael Dwyer)

Lumusot sa butas ng karayom ang San Miguel Beermen para maipanalo ang kanilang laban sa NLEX Road Warriors sa score na 131-127 sa PBA Commissioner’s Cup.

Umabot sa 3 overtime ang laro bago nasungkit ng Beermen ang kanilang ika-6 na panalo, dahilan para umangat ang kanilang standings sa 2nd place katabla ang Alaska Aces.

Humakot ng 58 points, 13 rebounds, 7 assists, 5 steals at 2 blocks si Tyler Wilkerson habang nag-ambag naman si Alex Cabagnot ng 20 points para sa SMB.

Samantala, nasayang naman ang naitalang 69 points at 19 rebounds ni NLEX import Al Thorton.

Ang buzzer beater 3-pointer ni Thorton ang naging susi kaya umabot sa overtime ang laro na maagang dinomina ng Beermen.

By Mark Makalalad  

Photo: PBA Media Bureau