Matagumpay na naibulsa ni Spanish tennis star Rafael Nadal ang ika-siyam na titulo nito sa Monte Carlo Masters.
Ito ay makaraang talunin sa finals ni Nadal ang pambato ng France na si Gael Monfils sa iskor na 7-5, 5-7 at 6-0.
Ayon kay Nadal, malaking bagay ang panalong ito dahil sa patunay lamang aniya ito na may improvement pa sa kanyang laro.
Susunod naman na tatargetin ngayon ni Nadal ang masungkit ang ika-siyam na titulo sa Barcelona kung saan 2013 pa nang huli siyang nanalo dito.
Ang titulo sa monte carlo ang unang kampeonato na naibulsa ni Nadal ngayong taon habang tatlo lamang ang napagwagian nito noong 2015.
By Ralph Obina