Natapos na ang pitong magkakasunod na panalo ng Barangay Ginebra matapos na matalo sa San Miguel Beermen sa iskor na 107–103.
Nanguna sa panalo ng Beermen ang import na si Terrence Watson na nakagawa ng 28 point at 17 rebounds.
Nakapag-ambag naman ng 23 points si Arwind Santos habang 20 points naman kay Chris Ross.
Dahil dito, meron nang limang panalo at tatlong talo ang San Miguel Beermen habang pitong panalo at dalawang talo naman ang Ginebra Gin Kings.
Wagi si Brian Viloria laban sa Amerikanong si Miguel Cartagena via Technical Knockout sa round 5 lamang ng laban kanina sa Carson, California.
Nasa kalagitnaan pa lang ng 5th round, hininto na agad ng referee ang laban matapos paulanan ni Viloria ng suntok si Cartagena.
Dahil dito umangat sa 38-5 ang record ng two time world champion na si Viloria na may 23 KO’s.
Nitong Marso, wagi rin si Viloria laban kay Ruben Montoya via unanimous decision sa ika walong round.
ito ang ikalawang laban ni Viloria sa kanyang muling pagbabalik sa boksing matapos magpahinga ng isang taon kasunod ng paghiwalay nito sa dati niyang promoter na top rank.
Umarangkada na ang Season 80 ng University Athletic Association of the Philippines o UAAP.
Pinasinayaan ng host school na Far Eastern University (FEU) ang seremonya sa Mall of Asia Arena, kahapon.
Pumarada naman ang ilang alumnus ng UAAP gaya nina dating UP volleyball player at ngayo’y Taguig City Rep. Pia Cayetano; Legendary University of Santo Tomas tactician Aric del Rosario; Gilas player Terrence Romeo ng FEU at PBA Great mula National University (NU) na si Danny Ildefonso.
Samantala, sumabak naman sa buena manong bakbakan ang University of the East Red Warriors at NU Bulldogs kung saan nasungkit ng Bulldogs ang unang panalo sa score na 86-69 habang panalo sa 2nd game ang Ateneo Blue Eagles kontra Adamson Falcons sa score na 85-65.
Wagi sa kauna-unahang pagkakataon ang dalawang batang miyembro ng Philippine Practical Shooting Association o PPSA Team sa katatapos lamang na 18th World Shoot (Junior Category) na ginanap sa France.
Hindi nagpahuli sina Kahlil Adrian Viray, 15-taong gulang at Rolly Nathaniel Bro Tecson, 14-taong gulang sa halos 300 junior shooters na lumahok mula sa iba’t ibang panig ng mundo.
Nasungkit ni Viray ang gintong medalya at tropeo sa standard junior category habang pumangalawa naman si Tecson sa kaparehong kategorya.
Ito ang unang pagkakataon na sumabak ang dalawa sa nasabing kumpetisyon na pinangungunahan ng International Practical Shooting Confederation o IPSC.
Buong puso namang nagpasalamat sina Viray at Tecson sa suporta ng mga taong naniwala sa kanilang kakayahan.
Samantala, inihayag ni Jack Enrile, Pangulo ng PPSA na malaki ang potensyal ng dalawang bata para sa mga kumpetisyon sa hinaharap.
Division Awards
Jag Lejano – 2nd place Classic Division
Jethro T. Dionisio – 3rd place Classic Division
Category Award
Kahlil Adrian Viray – Champion – Junior Standard
Rolly Nathaniel Tecson – 2nd place – Junior Standard
Israelito Pible – 3rd place – Super Senior Standard
Grace Tamayo – 3rd place – Lady Classic
Division Team Award
Classic Division – 2nd place
1) Jag Lejano
2) Ed Martin
3) Mariboy Alejandro
4) William Magalong
Standard Division – 2nd place
1) Edward Rivera
2) Joseph Bernabe
3) Kahlil Adrian Viray
4) Janno Santiaguel
Shoot Off Winners
1) Benjie Belarmino -3rd place Super Senior Standard
2) Grace Tamayo -3rd place Classic Lady
3) Kahlil Viray -1st place Junior Standard
4) Bro Tecson -2nd place Junior Standard
5) Jag Lejano -2nd place Classic Division
6) Jethro Dionisio -3rd place Classic Division
Congratulations!
Inilampaso ng San Beda ang Mapua University sa score na 88-70 kaya’t naitala nila ang kanilang ika-siyam na sunod na panalo sa 93rd Season ng NCAA Men’s Basketball Tournament.
Nagwagi ang Red Lions sa laban kahit wala sina Head Coach Boyet Fernandez, main man Robert Bolick at rising star Clint Doliguez.
Magugunitang pinatawan ng suspensiyon ang tatlo matapos na mauwi sa gulo ang laro nila kontra College of St. Benilde noong Martes.
Ngunit kahit wala silang coach, kulang naman din sa tao ang Mapua kaya’t hindi ito nakaporma sa kanilang bakbakan na ginanap sa Filoil Flying V Centre.
Buhay pa rin ang winning streak ng Barangay Ginebra.
Ito’y matapos magpakita ng bangis ang Gin Kings sa fourth quarter dahilan upang matalo nila ang Blackwater Elite sa score na 98-81.
Dahil dito, nasungkit ng koponan ang kanilang ika-pitong sunod na panalo sa 2017 Oppo PBA Governors’ Cup sa laro na ginanap sa Mall of Asia Arena.
Sa isa pang laro, matapos mabasag ang losing streak ng Alaska laban sa San Miguel Beermen, nakapagtala ng isa pang panalo ang Aces nang pataubin nila ang GlobalPort Batang Pier sa score na 101-88.
Si Ladontae Henton ang nanguna sa Alaska taglay ang kanyang 36 points, kasama na rito ang 21 rebounds at six assists.
Kumamada rin si Jvee Casio ng 11 markers habang nagdagdag naman ng 12 points si Calvin Abueva na pareho nilang nagawa sa fourth period.
Matatanggap na sa susunod na linggo ng mga atletang Pinoy na lumahok sa Southeast Asian (SEA) Games sa Kuala Lumpur, Malaysia ang kanilang cash incentives.
Mismong si Pangulong Rodrigo Duterte ang mag – aabot ng halos labing anim (16) na milyong pisong cash incentives para sa mga miyembro ng Philippine Team na nakasungkit ng medalya.
Sa ilalim ng Republic Act 10699 o National Athletes and Coaches Benefits and Incentives Act, makatatanggap ng P300,000.00 ang mga SEA Games gold medalist samantalang P150, 000.00 naman sa mga silver medalist at P60, 000.00 sa mga bronze medalist.
Matatandaang nakapag-uwi ang Pilipinas ng 24 na gold medals, 33 na silver at 63 na bronze sa pagtatapos ng 2017 SEA Games.
Laglag na sa US Open ang American tennis star na si Venus Williams.
Ito ay makaraang idispatsa ng kababayang si Sloane Stephens si Williams sa semi-finals ng naturang torneo.
Iginupo ni Stephens ang dating champion sa iskor na 6-1, 0-6 at 7-5.
Dahil dito, pasok na sa finals si Stephens habang makakalaban nito ang mananalo sa pagitan nina Coco Vandeweghe at Madison Keys.
Target ng Barangay Ginebra na makuha ang ika-pitong sunod na panalo para tuluyang makapasok sa top four sa 2017 PBA Governor’s Cup.
Makakalaban ng Ginebra ang Blackwater mamayang alas-7:00 ng gabi matapos ang bakbakan ng Alaska at GolbalPort sa Mall of Asia Arena.
Ayon kay Barangay Ginebra Coach Tim Cone, hindi sila papakampante sa laban kontra Blackwater lalo’t nahirapan sila sa kanilang huling laban.
Muling namang ipantatapat ng Ginebra ang kanilang import na si Justin Browlee at mga local player na sina Greg Slaughter at Joe Devance.
Kasalukuyang anim na ang sunod-sunod na panalo ng Gin Kings matapos matalo sa kanilang unang laro.
Walang kahirap-hirap na nakapasok si Spanish star Rafael Nadal sa semifinals ng US Open.
Ito ay makaraang pakainin ni Nadal ng alikabok ang Russian teenager na si Andrey Rublev sa iskor na 6-1, 6-2 at 6-2.
Nanaig ang pagiging beterano ni Nadal kumpara sa bagitong si Riblev.
Tinapos ni Nadal ang laban nito sa loob ng 90-minuto.
Susunod namang makakalaban ni Nadal ang mananalo kina Roger Federer at Juan Martin del Porto.