SPORTS

Nabili na ng US restaurant billionare na si Tilman Fertitta ang koponan ng Houston Rockets sa halagang 2.2 billion dollars.

Ito na ang itinuturing na pinakamalaking presyo na binayaran sa isang NBA franchise.

Sa kanyang social media account, nagpasalamat si Fertitta sa pagkakabili nito sa koponan na matagal na umano nitong pinapangarap.

Matatandaang noong pebrero, inilagay ng Forbes sa 1.65 billion dollars ang value ng rockets na mayroong 244 million dollars revenues.

By Ralph Obina

Tabla ang naging resulta ng laban ng Philippine Azkals konta Yemen sa iskor na 2–2 sa ginanap na AFC Asian Cup UAE 2019 Qualifiers sa Panaad Park and Football Stadium sa Bacolod City.

Ang mga scores ay nagmula sa magkapatid na Phil at James Younghusband na naka-goal matapos ang 30 minuto at 73 segundo.

Naging malaking hamon naman sa Azkals ang naging laban dahil kawalan nina Daisuke Sato matapos masuspendi at Javier Patiño dahil sa injury.

Muli naman maghaharap ang Yemen at Azkals sa Oktubre 10 sa Al Walrah City, Qatar.

By Krista de Dios

Determinado si Venus Williams na makuha ang unang grand slam title nila makalipas ang siyam na taon.

Kasunod na rin ito nang pangunguna ni Williams sa US Open sa pagsisimula ng quarter finals.

Nakatakdang sagupain ng Ninth Seed si Czech at 13th Seed na si Petra Kvitova.

By Judith Estrada – Larino

Pasok na sa quarterfinals ng US Open ang top seed ngayong si Rafael Nadal.

Sa loob ng isang oras at apatnaput limang minute, pinarusahan ng husto ni Nadal ang kalabang si Alexander Dolgopolov sa iskor na 6-2, 6-4 at 6-1.

Ipinamalas ni Nadal sa naturang laro ang kanyang bangis at matinding pagnanais na muling makaharap ang matinding karibal na si Roger Federer.

Ayon kay Nadal, dagdag kumpiyansa ang kanyang magandang laro at panalong ito.

By  Ralph Obina

Naging emosyonal ang pagbabalik PBA ni Mac Cardona, mahigit isang taon matapos ang tangkang pagpapakamatay.

Sa pagkakataong ito, nagbalik sa hardcourt ang tinaguriang “Captain Hook” bilang isa sa mga miyembro ng  Globalport Batang Pier.

Hinarap ng Batang Pier ang NLEX Road Warriors sa kanilang game sa Araneta Coliseum, kagabi.

Gayunman, natalo sa kamay ng NLEX ang Global Port sa score na 109-99.

Apat na puntos lamang bukod pa sa 8 rebounds   ang nagawa ng balik-basketball na si Cardona habang kumamada ng   29 points ang kanyang teammate na si Murphey Holloway at 24 points si Terrence Romeo.

Bagaman  medyo naninibago, nagpasalamat naman si Cardona dahil nabigyan pa siya ng pagkakataon na makapagbago at makabalik sa paglalaro.

By: Drew Nacino

SMW: RPE

Laglag na sa 2017 US Open ang dating World’s Number 1 tennis player ng women’s division na si Maria Sharapova.

Naputol ang winning streak ng Russian tennis superstar makaraang sipain ng 16th seeded na si Anastasija Sevastova ng Latvia sa score na 5-7, 6-4 at 6-2 sa 4th round.

Ito ang unang torneyong nilahukan ng 5-time grandslam champion na si Sharapova matapos ang labinsyam na buwang break dahil sa doping scandal.

Samantala, sunod na makakasagupa ng Latvian tennis player sa quarter finals si Sloane Stephens ng Estados Unidos.

By Drew Nacino

Tuloy pa rin ang rematch sa pagitan nina fighting Senator Manny Pacquiao at Australian boxer Jeff Horn.

Ito ang pag-amin ni Pacquiao sa kabila nang unang lumabas na ulat na iniatras na nito ang ikinakasang laban nila ni Horn.

Paliwanag ni Pacquiao, pinag-uusapan na lamang ang magiging venue ng laban.

Ani ng senador, hindi matutuloy ang rematch sa Australia dahil nais nilang ganapin ito sa Pilipinas.

Dagdag ng senador, nakikipag-ugnayan na rin siya sa DOT o Department of Tourism para sa nasabing plano.

Matatandaang unang lumabas ang balitas iniatras ni Pacquiao ang rematch laban kay Horn dahil umano sa hindi paggiging tugma nito sa kanyang schedule.

By Krista de Dios

Nasikwat na ng Alaska Aces ang kanilang buena manong panalo sa 2017 Pba Governor’s Cup.

Matapos ang anim na sunud-sunod na pagkatalo, tinalo ng Aces ang San Miguel Beermen sa score na 90-79 sa kanilang paghaharap sa Angeles University foundation sports arena sa Angeles City, Pampanga, kagabi.

Nagpaulan ng 36 points at 15 rebounds si Ladontae Henton habang kumamada ng 13 points at 9 rebounds si Calvin Abueva upang i-angat ang Alaska.

Dahil dito, nananatiling buhay ang pag-asa ng Aces na makapasok sa playoffs.

Samantala, nangunguna pa rin ang defending champion Meralco Bolts sa kartadang 5 wins at 1 loss.

By Drew Nacino

Tinawag na isang “right move” ni Boxing Promoter Bob Arum ang naging desisyon ni Fighting Senator Manny Pacquiao na umatras sa nilulutong rematch laban sa Australian boxer na si Jeff Horn.

Ayon kay Arum, tama ang naging desisyon ni Pacman na hindi muna lumaban ngayong taon para mapagtuunan ang kanyang mga responsibilidad bilang mambabatas.

Binanggit naman ni Arum na sa susunod na taon na lamang muling lalaban si Pacquiao.

Matatandaang, umatras si Pacquiao sa nakatakdang rematch laban kay Horn dahil sa conflict sakanyang schedule.

By Krista de Dios