SPORTS

Ipinanganak na ng dating world number one tennis player na si Serena Williams ang panganay na anak nito.

Ito’y ayon sa coach ni Williams na si Patrick Mouratoglou sa pamamagitan ng Twitter.

Matatandaang hindi na lumahok sa anumang kompetisyon si Williams matapos ang panalo sa Australian Open noong Enero.

Ngunit patuloy na active ito sa social media para hindi ma-miss ng fans ang kanyang pagbubuntis.

Ang 35 – anyos na tennis player ay engaged sa Reddit co – founder na si Alexis Ohanian.

Kinumpirma ni Williams ang kanyang pagbubuntis noong Abril sa social media na may caption na ’20 weeks’.

 By Race Perez

Dalawang pangalan naman ang pinagpipilian ngayong makalaban ni WBO Welterweight Champion Jeff Horn.

Ito ay makaraang umatras si Eight Division World Champion Manny Pacquiao sa dapat sana’y rematch nila ni Horn sa darating na Nobyembre dahil sa umano sa conflict ng iskedyul.

Ayon kay Horn, nais niyang makalaban sinuman kina Jessie Vargas at Miguel Cotto.

Batid ni Horn na mahirap na kalaban ang naturang mga boksingero lalo na aniya si Vargas kaya’t ganoon na lamang ang pagnanais niyang masubukang makaharap ang mga ito.

Matatandaang kapwa natalo sa kamay ni Pacquiao sina Vargas at Cotto noong 2009 at 2016.

By Ralph Obina

Hindi na matutuloy ang inaabangang rematch nina dating 8th Division World Champion Manny Pacquiao at WBO Welterweight Champion Jeff Horn.

Ito ay makaraang umatras ang Pambansang Kamao dahil umano sa conflict sa iskedyul.

Dahil dito, posibleng sa 2018 na magharap muli ang dalawang boksingero.

Ayon sa Australia, bukas sila ngayon sa sinumang maaaring makalaban ni Horn kasabay ng pagtiyak ng suporta sa kanilang pambato.

By Ralph Obina

Pormal nang namaalam sa kanyang mga kasamahan at fans sa Cleveland Cavaliers si Kyrie Irving.

Ito ay matapos ang blockbuster deal sa pagitan ng Cavs at ng lilipatan nitong koponan na Boston Celtics.

Sa kanyang Instagram account, nag-post ng video si Irving ng kanyang pasasalamat sa lahat ng kanyang mga nakasama at sumubaybay sa kanyang basketball career sa naturang koponan.

Gayunman, tuloy pa rin ang laban sa bago nitong tahanan, ang Boston Celtics.

Kapansin-pansin naman sa naturang pasasalamat ni Irving na hindi kasama dito si Lebron James.

Matatandaang mismong si Irving ang humiling na makalipat sa Celtics upang tuluyang maka-alis sa anino ni Lebron.

By  Ralph Obina

Inaabangan na ngayong araw ang ika-apat na National Collegiate Athletic Association o NCAA all-star game na gaganapin sa Fil Oil Flying V Center sa San Juan City mamayang alas-4:00 ng hapon.

Maglalaban ngayong edisyon ang mga may Saint-based na pangalan at Heroes o mga eskwelahan na ipinangalan sa mga bayani ng Pilipinas.

Ibabandera ng Heroes sina CJ Perez ng Lyceum of the Philippines at Kent Salado ng Arellano University habang sina Robert Bolick ng San Beda at Rey Nambatac naman ng Letran ang gagabay sa Saints.

Sasabak naman si Cameroonian Swing- Man Arnaud Noah ng San Beda ang slam dunk upang maibalik sa kanya ang titulo.

Samantala idedepensa naman ni AC Soberano ang kanyang titulo sa three-point shooting kung saan makakalaban niya ang last year runner up na si Wilson Baltazar ng Lyceum at RK Ilagan ng San Sebastian.

By Arianne Palma

Pasok na sa third round ng US Open si Russian Star Maria Sharapova.

Nilamapaso ni Sharapova ang Hungarian na si Timea Babos sa iskor na 6-7, 6-4 at 6-1.

Ito ang unang beses na naglaro muli si Sharapova sa isang major tournament matapos ang 15 taong doping suspension nito.

Susunod namang makakaharap ni Sharapova ang American wildcard na si Sofia Kenin.

By Ralph Obina

Pormal nang nagtapos ang 29th Southeast Asian o SEA Games na ginanap sa Kuala Lumpur, Malaysia.

Pinangunahan ng mga atleta ng Malaysia ang “Parade of Athletes”.

Tinanghal ang Malaysia na kampeon ngayong taon sa SEA Games na humakot ng kabuuang 323 medals na kinabibilangan ng 145 gold medals, 92 silvers at 86 bronze medals.

Sinundan ito ng Thailand, Vietnam, Singapore, Indonesia, Pilipinas bilang pang-anim muli, Myanmar, Cambodia, Laos, Brunei at East Timor.

Bigo naman ang Pilipinas na mapantayan man lang ang 29 gold medals noong 2015 at ang target sana ngayong 50 gold medals.

Bilang hudyat din nang pagsasara ng tabing, pormal na ring itiurn-over ng Malaysia ang pag-host ng 30th edition ng SEA Games sa Pilipinas sa taong 2019.

By Meann Tanbio

SMW: RPE

Dumaan sa butas ng karayom si Swiss Tennis Star Roger Federer bago ito tuluyang makalusot sa sunod na round ng US Open.

Bagamat nanalo, aminado si Federer na nahirapan siya nang husto sa 19 anyos nitong kalaban na si Frences Tiafoe ng Amerika.

Sa huli nanaig pa rin ang galing ng No. 3 Seed na si Federer na tinapos ang laban sa iskor na 4-6, 6-2, 6-1, 1-6, 6-4.

Ito na ang ika-79 na panalo ni Federer sa US Open na pumapangalawa kay Jimmy Connors na may 98 panalo.

By Ralph Obina

Sibak sa unang round ng US Open ang defending champion na si Angelique Kerber.

Ito ay makaraang idispatsa si Kerber ng Japanese tennis star na si Naomi Osaka sa iskor na 6-3 at 6-1.

Bagamat baguhan pa lamang ang 19-anyos na si Osaka ay hindi ito nagpadaig sa karanasan ng beterana nang si Kerber.

Ito na ang biggest upset sa karera ni Kerber.

By  Ralph Obina