Maaaring tumagal ng ilang buwan ang suspensyon ng klase sa mga lugar sa Mindanao na tinamaan ng malakas na lindol.
Ayon kay Education Secretary Sonny Angara, hindi pa tiyak kung kailan makakabalik sa normal ang klase dahil patuloy pa ang pagsusuri sa mga nasirang paaralan. Maraming pamilya pa rin ang nasa evacuation centers at wala pang maayos na tirahan.
Umabot sa 1,129 paaralan ang nasira sa buong Mindanao matapos ang magnitude 7.8 na lindol noong Hunyo 8. Sa bilang na ito, nasa 150 classroom ang tuluyang nawasak.
Mahigit 8,000 paaralan ang kasalukuyang sarado habang isinasagawa ang inspeksyon ng mga lokal na pamahalaan upang matiyak kung ligtas na gamitin ang mga gusali.
Niyanig ng lindol ang maraming bahagi ng Mindanao noong Hunyo 8, unang araw din ng klase sa mga pampublikong paaralan ngayong akademikong taon.
