Isa ang DWIZ sa mga piling media organization sa buong Pilipinas na inimbitahang dumalo sa Southeast Asia Digital Dialogue ng Australian Broadcasting Corporation (ABC) na naganap sa Cebu City noong Disyembre 5 hanggang 7.
Layunin ng nasabing workshop ang pagpapalitan ng ideya sa usapin ng paggamit ng makabagong teknolohiya sa pamamahayag, tulad ng artificial intelligence at social media.
Naging kinatawan naman ng himpilang ito sina Patrol 38 Jenn Patrolla at DWIZ senior news writer John Riz Calata sa nasabing conference.
Bukod sa Pilipinas, nagsagawa na rin ang ABC ng mga katulad na conference sa ibang bahagi ng Timog-Silangang Asya, tulad ng Vietnam, Laos, at Cambodia.
