Nais ni dating welterweight champion Andre Berto na pumasok bilang UFC fighter.
Ayon kay Berto, gusto niyang maranasan ang pagiging MMA fighter.
Aniya, ang kaniyang kapatid na lalaki na si Edson at kapatid na babae na si Revelina ay mga MMA fighters.
Si Andre Berto ay malapit na kaibigan ni UFC star Conor McGregor at balak niyang makausap si UFC President Dana White.
Target ng national judo team na sumabak sa 2020 Olympic Games na idaraos sa Tokyo, Japan.
Isa sa may pinakamalakas na tiyansang makahirit ng tiket sa Tokyo Olympics ay si Mariya Takahashi.
Galing si Takahashi sa impresibong kampanya sa Malaysia Games kung saan nasungkit nito ang gintong medalya sa women’s -70 kgs. event.
Nakatakda ring umariba ang 21-anyos na si Kiyomi Watanabe na nasungkit ang kanyang ikatlong sunod na gintong medalya sa women’s -63 kgs. division.
Kaugnay nito, nangako ang Philippine Sports Commission na tustusan ang paghahanda ng Pinoy Judokas para sa Tokyo Olympics.
Make or break ang laban para sa nag-iisang pambato ng Pilipinas sa weightlifting sa Southeast Asian o SEA Games na si Nestor Colonia.
Sasabak ang Olympian na si Colonia sa men’s 56-kilogram division kahit nasa ilalim pa ito ng recovery stage ng kanyang back surgery.
Sa kabila nito, tiwala si Philippine Weightlifting Federation President Monico Puentevella na makakakuha ng gintong medalya si colonia sa kabila ng kondisyon nito.
Nilinaw naman ni Puentevella na nasa kondisyon pa rin si Colonia kaya ito napasama sa delegasyon at pinayagang makalaban.
Si Colonia ay beterano nang lifter na maliban sa paglalaro sa Olympics ay nakasungkit din ito ng gintong medalya sa Asian Championships noong 2015.
Wagi si Floyd Mayweather Jr kontra sa mixed martial arts fighter na si Connor Mcgregor via technical knockout sa round 10 ng laban
Nakuha ni Mcgregor ang unang tatlong rounds kung saan lumapag sa mukha ni Mayweather ang mga pinakawalan nitang suntok
Pero pagdating ng round 4, bumawi si pretty boy at naging agresibo hanggang sa mga sumunod na rounds
Pagtungtong ng round 10 tumama kay Mcgregor ang dalawang malalakas na left hooks ni Mayweather na nagpakapit dito sa lubid ng ring
Dito na itinigil ng referee ang laban
Ayon kay Mayweather, tinitiyak niyang ito na ang kanyang huling laban sa boksing at opisyal na siyang magreretiro
Nagtapos ang karera ni Mayweather na may malinis na record na 50 panalo at wala ni isang talo
Hindi naman sigurado si Mcgregor kung lalaban siyang muli sa boksing pero tiyak raw na babalik siya sa UFC
SMW: RPE
Nasungkit ni Filipina tennis player Ana Clarice Patrimonio ang silver medal sa pagsasara ng 29th Southeast Asian (SEA) Games tennis competition sa National Tennis Centre sa Kuala Lumpur, Malaysia.
Ito’y matapos siyang talunin ni Top Seed Luksika Kumkhum ng Thailand sa iskor na 6-0, 6-1 dahilan upang makuha ng Thai ang gintong medalya sa women’s tennis singles.
Una nang tinalo ni Patrimonio, anak ni PBA legend Alvin Patrimonio, ang fourth seed na si Ka Andrea Daray ng Cambodia.
Samantala, nagkasya naman sa bronze sina Ruben Gonzales at Denise Dy matapos matalo sa semifinals ng mixed doubles event kaya’t bigo silang madepensahan ang titulo na nakuha nina Dy at Treat Huey noong 2015.
Bigo rin si James Deiparine sa gold medal round ng men’s 100-meter backstroke finals ng swimming sa national aquatic center pool.
Samantala, nagsanib-puwersa naman sina Antoinette Leviste, joker arroyo, Colin John Syquia at Sophia Chiara Amor dahilan upang makuha nila ang silver medal sa Southeast Asian (SEA) Games show jumping team event sa equestrian.
Nakuha ng Malaysia ang ginto habang nakuha ng Thailand ang third spot o bronze sa nabanggit na event.
Muling nagpakita ng bangis ang Thailand matapos ilampaso ang Philippine national women’s volleyball team sa 29th Southeast Asian (SEA) Games.
Nasikwat ng 12-time champions ang tatlong sets, 25-21, 25-17, 25-17, laban sa mga Pinay kasunod ng knockout semifinals sa Mitec Hall 11 sa Kuala Lumpur, Malaysia kaninang umaga.
Dahil dito, makakaharap ng Thailand sa finals ang mananalo sa pagitan ng Vietnam at Indonesia na kapwa nakapasok sa medal round noong 2015 SEA Games.
Magugunitang dinomina rin ng mga Thais ang Pilipinas sa quarterfinals ng 2017 AVC Asian senior women’s volleyball championship noong nakaraang linggo.
Inaabangan na ng maraming fans ang bakbakan sa pagitan ng Gilas Pilipinas at Indonesia sa Finals ng 2017 Southeast Asian o SEA games kung saan nakataya ang gold medal.
Magugunitang nakapasok sa finals ang mga Pinoy matapos gibain sa semi-finals ang Singapore kagabi sa score na 68-60.
Dahil nga sa panalo ay nabigyan ng tiyansa sa Gilas Pilipinas na maisukbit muli ang gintong medalya.
Una nang tinalo ng Gilas ang mga koponan ng Thailand, Myanmar at Malaysia.
Ang bakbakan sa pagitan ng Gilas at Indonesia ay gaganapin sa Maba Stadium sa Kuala Lumpur mamayang gabi.
Pasok na ang Gilas Pilipinas sa finals ng men’s basketball sa 29th Southeast Asian o SEA Games.
Ito ay matapos talunin ng Gilas ang koponan ng Singapore sa kanilang laban sa semi-finals kung saan naitala sa 68-60 ang final score.
Ang laban sa Singapore ay ika-apat na sunod na panalo na ng basketball team ng Pilipinas sa SEA Games.
Ang naturang laban ay nagbigay ng tsansa sa Gilas Pilipinas na makapag uwi ng gintong medalya.
Hihintayin na lamang ng Gilas kung sino ang mananalo sa Thailand at Indonesia para makaharap nito sa finals.
SMW: RPE
Natapos na ang laban ng Perlas Pilipinas sa 29th Southeast Asian (SEA) Games women’s basketball tournament.
Ito’y kung saan tinalo ng Perlas Pilipinas sa huling laban ang koponan ng Vietnam sa iskor na 188 – 44.
Sa pagtatapos ng Round Robin Tournament, hawak ng Perlas Pilipinas ang kartadang apat na panalo at dalawang talo.
Buhay pa ang pag-asa ng Perlas para sa tansong medalya, depende sa magiging resulta ng dalawa pang laban ng Thailand na mayroong 3 wins at 1 loss.
Sakaling matalo sa dalawang huling laban ang Thailand ay Pilipinas ang magbubulsa ng bronze medal.
Target ni UFC Star Conor McGregor na tapusin sa second round ang laban kontra kay Floyd Mayweather Jr.
Ayon kay McGregor, hindi sila magka-level ni Floyd at wala aniya ito sa kanyang kalingkingan.
Malaking pagkakamali aniya para kay Mayweather ang pagpili nito na gumamit ng eight ounce gloves sa kanilang tunggalian.
Ang bakbakang Mayweather at McGregor ay gaganapin sa Las Vegas, Nevada sa Agosto 27 oras sa Pilipinas.