MIKE DEFENSOR, HINDI DUMALO SA PAGDINIG NG NBI KAUGNAY NG SUBPOENA
Hindi dumalo ang dating kongresista na si Mike Defensor sa tanggapan ng National Bureau of Investigation (NBI) nitong Miyerkules sa kabila ng ipinadalang subpoena laban sa kanya.
Sa halip, ang kanyang abogado na si Ferdinand Topacio ang dumalo at kumatawan sa dating mambabatas.
Ayon kay Topacio, hindi na nila susundin ang anumang panibagong subpoena mula sa NBI at hinikayat na lamang ang ahensya na magsampa ng kaso kung mayroon itong sapat na batayan.
Iginiit ni Topacio na ang ipinalabas na subpoena ay may kaugnayan sa 18 dating bodyguard ng Zaldy Co.
Matatandaang sinabi ni NBI Director Melvin Matibag na ayon sa informant ng ahensya na sinuhulan umano ni Defensor ang 18 indibidwal para i-claim na ilang personalidad ang nakatanggap ng pera mula kay Co.
