SPORTS

Handang-handa na si Gennady Golovkin na agawin ang titulo kay Canelo Alvarez sa kanilang laban sa darating na linggo.

Ayon sa 3-belt champion na si Golovkin, hindi niya kinukunsidera ang sarili bilang underdog sa laban dahil titiyakin aniya niyang siya ang uuwing kampeon.

Inaasahan naman ng mga boxing experts ang umaatikabo at madugong bakbakan sa pagitan ng dalawang mandirigma.

Kasalukyang hawak ni Golovkin malinis na fight record na 37 wins and zero loss.

Samantala, dahil sa nalalapit na laban, bigo si golovkin na masaksihan ang kapanganakan ng ikalawa niyang anak.

—-

Nakatakdang sumabak muli sa world title fight si WBO-WBA flyweight champion Brian Viloria.

Magugunitang pinabagsak ni Viloria via technical knockout ang Puerto-Rican American boxer na si Miguel Cartageña sa 5th round ng kanilang undercard flyweight bout noong Sabado.

Ayon kay Gary Gittelsohn, manager ng tinaguriang “The Hawaiian Punch, sa susunod na taon ay muling sasampa sa ring si Brian sa flyweight division.

Bagaman hindi pa aniya nila matiyak kung sino ang susunod na kalaban ng Fil-Am boxer, ang malinaw ay mananatili sa 112 pounds o flyweight division si Viloria kung saan siya mas komportable.

Aminado naman si Gittelsohn na kahit 36-anyos na si Viloria at tila nawawala na ang punching power, naniniwala siyang may ibubuga pa sa ibabaw ng lona ang boksingero.

—-

Handang-handa nang mag-ensayo sa Gilas Pilipinas ang bago nitong miyembro na si Isaiah Austin.

Ayon kay Austin, excited siyang makasama at makalaro ang mga bago niyang teammates.

Nagpapasalamat din si Austin sa mainit na pagtanggap sa kanya ng mga basketball fans na Pinoy.

Kagabi, dumating sa banasa ang 7 foot 1 forward mula sa Baylor University.

—-

Inihayag ni NBA legend Kobe Bryant ang kanyang planong pagpapatayo ng basketball school sa China.

Si Bryant ay kasalukuyang nasa Haikou City sa southern China para ipakilala ang NBA Basketball School Mission para sa mga lalaki at babaeng manlalaro mula junior hanggang professional levels.

Ayon kay Bryant, layunin ng kanyang basketball school ang pagandahin ang nasabing laro sa China kung saan ituturo ang dekalidad na coaching at training ng NBA.

Dagdag ni Bryant, tiyak na makikinabang sa nasabing basketball school ang mga Chinese players.

—-

Nakuha na ni Spanish Tennis Star Rafael Nadal ang unang pwesto sa world ranking.

Ito ay kasunod ng kaniyang pagkapanalo sa US Open kontra kay Kevin Anderson.

Naungusan ni Nadal si Roger Federer na nasa ikalawang pwesto.

Pumangatlo naman sa world ranking ang dating top seed na si Andy Murray na may iniindang injury.

Samantala nasa ika-apat na pwesto naman ang batang German player na si Alexander Zverev.

______

Nakapili na ang Gilas Pilipinas ng kapalit ni naturalized player Andray Blatche para sa FIBA Asia Championship Cup sa September 23 hanggang 30 sa Chenzhou, China.

Si Isaiah Austin ang pinakabagong miyembro ng SBP o Samahang Basketball ng Pilipinas na isasabak sa nasabing torneo.

Si Austin na may taas na 7′ 1 ay naglaro na rin sa Guangxi Rhinos sa second division ng National Basketball League ng China at naging kandidato rin sa NBA Draft noong 2014.

Ang dating center ng Baylon College ay inaasahang darating sa bansa ngayong araw na ito para makapagsimula na ng training.

Bukod kay Austin ay napili rin bilang reinforcement si Bright Akhuetie na naglalaro sa UP Maroons matsapos lumipat mula sa Perpetual College.

—-

Tuluyan nang umalis ng TNT Katropa ang star player na si Ranidel de Ocampo para lumipat sa koponan ng Phoenix Fuel Masters.

Pero hindi ito ang huli dahil sa inaashang ililipat pa si Ranidel sa Meralco Bolts bilang kapalit ni Justin Chua.

Bahagi ng pagpapalakas ng Fuel Masters ang paglipat ni De Ocampo bago pormal na matapos ang PBA Rookie Draft 2017 ilang linggo mula ngayon.

Papalitan ni De Ocampo sa Phoenix ang center nitong si Norberto Torres at sila ang magiging pick para sa first round draft.

Samantala, kanselado naman ang nakatakdang laban sa pagitan ng Arellano University at Mapua Institute at Perpetual Dalta System kontra sa San Sebastian College sa NCAA ngayong araw dahil sa sama ng panahon.

—-

Itinanghal na ‘Best Player of the Week’ sa PBA si Chris Ross ng San Miguel Beer (SMB) mula Setyembre 4 hanggang 10.

Kasunod ito nang magandang performance ni Ross sa dalawang laban ng SMB kontra Rain or Shine at Barangay Ginebra.

Natutuwa naman si Ross sa pagpili sa kaniya bilang ‘PBA Press Corps Player of the Week’ bagamat ang panalo ng SMB ay team effort.

Tinalo ni Ross sa nasabing titulo sina Calvin Abueva ng Alaska, Jayson Castro ng Talk ‘N Text at mga SMB team mates June Mar Fajardo at Arwind Santos.

Napasakamay ni Rafael Nadal ang ika-16 na grand slam title nito matapos magwagi sa US Open laban kay South African tennis player Kevin Anderson.

Nanguna ang Spanish tennis star sa score na 6-3, 6-3 at 6-4 para tuluyang gapiin ang 31-anyos na South African.

Pinuri ni Nadal si Anderson na matinding pag-depensa sa laro na umabot ng mahigit isang oras.

Si Nadal ay unang nag-kampeon sa US Open noong 2005 na sinundan noong 2013 at ngayong taon.

—-