SPORTS

Nakakuha na ang Pilipinas ng unang gintong medalya sa ginaganap na 9th ASEAN Para Games sa Kuala Lumpur Malaysia.

Ito ay matapos manalo ng pambato ng bansa sa javelin competition na si Cendy Asusano.

Nakuha naman ng kapwa Pilipinong javelin player na si Jesebel Tordecilla.

Bukod dito, dalawang silver medal na rin ang sungkit ni Arthus Bucay sa para cycling.

Habang kapwa bronze naman ang napanalunan nina Claire Cazalo sa para swimming at relay team na binubo nina Ernie Gawilan, Gary Bejino, Roland Sabido at Arnel Aba.

—-

Ipauubaya na lamang ni Canelo Alvarez sa kaniyang fans ang posibilidad na rematch kay Gennady Golovkin.

Ito ay matapos mauwi sa draw ang paghaharap nina Alvarez at Golovkin sa Las Vegas.

Sinabi ni Alvarez na magpapahinga muna siya at hihintayin na lamang ang desisyon ng kaniyang team kung sasabak sa rematch.

—-

Pasok na sa quarter finals ang Blackwater Elite sa PBA Governor’s Cup.

Ito ay matapos na talunin ng Blackwater ang GlobalPort Batang Pier sa iskor na 118-107.

Nanguna sa panalo ng Blackwater si Allein Maliksi na nakapagtala ng 22 points habang nakapag-ambag naman 21 pontos si Roi Sumang sa kabuuang iskor at 19 points si Henry Walker.

Dahil dito, nakapagtala na ang Blackwater ng limang panalo at limang talo habang na-eliminate na ang GlobalPort na may tatlong panalo at limang talo.

—-

Nagtagumpay si IBF Junior Flyweight champion Milan Melindo na depensahan ang kanyang korona mula sa challenger na si Hekkie Budler ng South Africa sa Pinoy Pride 42.

Sa kanilang paghaharap sa Waterfront Hotel and Casino sa Cebu city, kagabi, umiskor ng knockdown si Melindo sa 11th round.

Bago nito ay nagtamo ng sugat sa kaliwang bahagi ng mata ni Melindo sa 6th round dahil sa accidental headbutt na kanyang tinamo sa 2nd round.

Sa ngayon ay mayroon ng 37 wins kabilang ang 13 knockouts at 2 loss ang Pinoy Boxer.

Isang malaking karangalan para kay Centro Escolar University o CEU big man Rodrigue Ebondo ang maging bahagi ng Gilas Pilipinas.

Ito’y makaraang hugutin si Ebondo ni head coach Chot Reyes para maging bahagi ng national team na sasabak sa FIBA Asia Champions Cup sakaling hindi puwedeng lumaro si Bright Akhuetie.

Nagkasama na rin sina Ebondo, Akhuetie, Isaiah Austin at iba pang bagong atleta sa paghahanda ng koponan sa nalalapit na torneo.

Si Akhuetie ay kapapasok pa lamang sa University of the Philippines kaya’t posibleng makompromiso ang pagiging bahagi nito ng Fighting Maroons kapag natuloy ito sa Gilas.

Nangako naman si Ebondo na gagawin niya ang lahat upang matulungan ang pambansang koponan sa kanilang pagsabak sa FIBA event na gaganapin mula Setyembre 22 hanggang 30 sa Chenzhou, China.

—-

Tila lalong naging mabangis ang San Beda College nang magbalik sina head coach Boyet Fernandez, main man Robert Bolick at rising star Clint Doliguez.

Ito’y makaraang pataubin ng Red Lions ang San Sebastian College-Recoletos sa score na 76-65 dahilan upang sumampa sa sampu ang kanilang panalo sa NCAA 93 Men’s Basketball Tournament.

Ayon kay Fernandez, pinatindi nila ang kanilang depensa na naging susi ng kanilang panalo sa nasabing laro.

Magugunitang pinatawan ng one-game suspension sina Fernandez, Bolick at Doliguez matapos masangkot sa naganap na riot sa kanilang laro laban sa College of St. Benilde, dalawang linggo na ang nakalipas.

Sa iba pang laro, dinurog ng College of St. Benilde Blazers ang University of Perpetual Help Altas sa score na 83-55 habang kinapos naman ang Arellano University sa Lyceum of the Philippines University sa score na 94-92.

—-

Bagama’t nadagdagan na ang puwersa ng GlobalPort, hindi pa rin ito nakaporma sa Star matapos sungkitin ang 109-83 win sa PBA Governors’ Cup sa Araneta Coliseum.

Kumamada si Malcolm Hill ng 32 points, kasama ang 12 rebounds para sa Hotshots habang nagdagdag naman si Ian Sangalang ng 17 points.

Magugunitang isinuko ng Star si Allein Maliksi kapalit nina Bambam Gamalinda at Kyle Pascual.

Nalimitahan naman ng limang puntos si Stanley Pringle habang 11 points lamang ang nakuha ng high-scoring na si Terrence Romeo.

Samantala, sa isa pang laro, inilampaso naman ng Meralco Bolts ang Alaska Aces sa score na 106-78.

—-

Nanguna pa rin sa top ten best player ng Sports Illustrated nanguna pa rin si NBA star at dating MVP Lebron James sa pinakamagagaling na mga manlalaro sa buong mundo.

Batay ito sa inilabas na 10 best player list ng Sports Illustrated.

Nasa ika-limang taon na si Lebron na nanguna sa naturang best player list.

Pumangalawa naman sa listahan si NBA finals most valuable player Kevin Durant at pangatlo naman si Golden State Warriors star Stephen Curry.

Samantala, ang dating teammate naman ni Lebron na si Kyrie Irving ay nasa ika-21 puwesto.

Photo Credit: Getty Images

—-

Kuntento si Gilas Pilipinas Coach Chot Reyes sa performance ng bagong miyembro nitong si Isaiah Austin sa unang practice kagabi.

Sinabi ni Reyes na batay sa performance ni Austin, kaya nitong makipagsabayan sa kahit sinong Gilas player.

Tiwala si Reyes na makakasama pa ang 7-foot-1-inch na import sa iba pang kumpetisyong lalahukan ng Gilas Pilipinas.

Welcome to Manila @isaiahaustin #zeke

A post shared by Chot Reyes (@coachot) on Sep 12, 2017 at 8:30am PDT

Si Austin ay dumating sa bansa noong Martes.

Puspusan na ang paghahanda ng Gilas sa paglahok sa FIBA Asia Championship Cup na gaganapin sa September 22 sa Shezhen, China.

—-