SPORTS

Naka-umang na ang paglipat  sa Oklahoma City Thunders ni New York Knicks Star Carmelo Anthony.

Batay sa  trade deal,  lilipat si Anthony sa Oklahoma kapalit nina Enes Kanter at Doug Mcdermott na lilipat naman sa New York habang matatanggap din ng  Knicks  ang second round 2018 draft pick.

Gayunman, wala pang kumpirmasyon at nilalagdaang kasunduan ang dalawang koponan.

Magugunitang inihayag ni Melo na plano niyang lumipat sa  Houston Rockets subalit hindi nagkasundo ang kani-kanilang team.

Makakasama ng 10 time all-star na si  Anthony sa O.K.C. si Russell Westbrook.

SMW: RPE

Nalasap ng Chooks-To-Go Pilipinas ang una nitong pagkatalo sa 2017 FIBA Asia Champions Cup.

Lumagpak ang Pilipinas sa kamay ng Sareyyet Ramallah Palestine sa score na 89-82 sa kanilang paghaharap sa Chenzhou Sports Center sa Chenzhou, China.

Hindi nakapalag ang Philippine Team sa opensiba nina  Jamal Abu-Shamalah at mga import Todd O’brien at Anthony Weeden na may pinagsamang  63 points para sa Palestine.

Nagpakawala naman ng 24 points  sina Kiefer Ravena at 18 points si Jeron Teng  habang nag-ambag ng 17 points at 18 rebounds ang 7 foot 1 import na si Isaiah Austin para sa Pilipinas.

Samantala, tatangkaing bumawi ng Pilipinas sa ikatlong game laban naman sa Mono Vampire ng Thailand, mamaya.

SMW: RPE

Nasungkit ng Chooks to Go Pilipinas ang unang panalo sa FIBA Asia Championship Cup na ginaganap sa China.

Ito ay makaraang ipahiya ng koponan ng Pilipinas ang Kazakhstan sa iskor na 73-65.

Sa fourth quarter tuluyang umarangkada ang lamang ng Pilipinas hindi na muling lumingon pa.

Bagamat mas matatangkad ang mga kalaban, hindi ito naging hadlang para sa buena manong panalo ng Pilipinas.

—-

Inamin ni Gilas Pilipinas Head Coach Chot Reyes na underdog ang koponan ng Pilipinas sa Fiba Asia Championship na magsisimula na mamayang gabi sa China.

Ayon kay Reyes, hindi sila gaanong nakapaghanda dahil sa wala aniya silang balak sanang sumali sa naturang torneo.

Sinabi ni Reyes na nahirapan din ang Gilas na mabuo ang kanilang line up dahil sa nagpapatuloy na PBA Governor’s Cup.

Sa kabila nito sinabi ni Reyes na gagawin pa rin nila ang lahat ng kanilang makakaya upang hindi mapahiya sa sambayanang Pilipino.

_____

Usap-usapan ngayon ang posibleng paglipat ng Blackwater Elite ni Senador Manny Pacquiao.

Ito ay matapos mag-expire ang kontrata ni Pacquiao sa KIA Picanto bilang playing coach.

Bagamat tikom ang bibig ni Pacquiao sa isyu, sinabi naman ni Blackwater team owner Dioceldo Sy na nananatili ang kanyang offer kay Pacquiao na sumali sa kanyang ballclub.

Matatandaang kaibigan ni Pacquiao ang may-ari ng Blackwater.

—-

Nakasungkit ng tatlong ginto at tatlong tansong medalya ang batang Pilipinong wushu artist sa 9th Asian Junior Wushu Championships sa Gumi City South Korea.

Nakakuha ang magkapatid na sina Johnsen at Johnzeth Gajo ng tig-isang gintong medalya sa kategoryang Boys’ 12 to 15 Changquan Taolu at Boys’ 14 to 16 Gunshu Taolu Division.

Gayundin na namayagpag din si Mark Lester Galay sa Boys’ 8 to 12 category at nakakuha ng gintong medalya.

Una na ring nakakuha ng tig-isang bronze medal sina Galay, Johnzeth Gajo at Alexander Gabriel Delos Reyes.

—-

Inamin ngayon ni Top Rank CEO Bob Arum na pera ang dahilan kaya’t napurnada ang rematch nina dating Eight Division World Champion Manny Pacquiao at Welterweight Champion Jeff Horn.

Ayon kay Arum, maraming ipinangako sa kanila ang DOT o Department of Tourism ngunit ayaw naman umanong gumastos.

Kung ganito aniya ang sitwasyon, sinabi ni Arum na mahihirapan silang mabayaran ang premyo ni Pacquiao bunsod ng mataas na halaga ng palitan ng piso sa dolyar.

Dahil dito, minabuti ni Arum na ipalaban muna sa iba si Horn kung saan kabilang nga sa napipisil ay ang wala pa ring talo na si Terrence Crawford.

_____

Handang handa na ang Gilas Pilipinas sa pagsabak sa FIBA Asia Championship na gaganapin sa Chenzhou, China.

Malaking bentahe para sa Gilas ang bago nilang miyembro na si Isaiah Austin.

Tiniyak ng Gilas na kanilang yayanagin ang buong Asya sa target na makuha ang kampeonato.

Bukas, gaganapin ang pinaka-aabangang opening ng FIBA Asia Championship kung saan unang makakaharap ng koponan ng Pilipinas ang Kazakhstan.

—-

Nakatakda umanong magtungo sa Dubai ang ilang miyembro ng team Pacquiao.

Sinasabing pakay ng mga kinatawan ni Senador Manny Pacquiao na makipagpulong sa UAE organizers para sa detalye ng isang fight card.

Kasunod na rin ito nang paglutang ng mga balitang muling tutuntong sa boxing ring sa katapusan ng taong ito si Pacman para sa isang laban na gaganapin sa Dubai.

Sinasabing isa sa mga napipisil na makalaban ng pambansang kamao si British boxer Amir Khan.

—-

Handa si the ring middleweight champion Saul “Canelo” Alvarez na sumabak sa rematch kay Gennady “Triple G” Golovkin ng Kazakhstan.

Ito’y upang matuldukan na ang mga agam-agam hinggil sa kontrobersyal nilang laban na nauwi sa draw, noong linggo.

Aminado ang Mexican fighter na ginawa niya ang kanyang makakaya upang maagaw ang WBA, WBC, IBF at IBO middleweight crown kay Golovkin subalit sadya aniyang malakas ito at mahirap pabagsakin.

Ayon kay Alvarez, bagaman katatapos lamang ng laban ay handa niyang patunayan sa susunod na taon kung sino talaga ang nagwagi kung magkakasundo ang kanilang mga promoter.

Sa nabanggit na laban noong linggo sa T-Mobile Arena sa Nevada, USA, hindi naagaw ni Golovkin ang the ring middleweight.

—-