SPORTS

‘Excited’ na ang 3-time NBA champion na si Dwyane Wade na muling makatambal ang dating teammate na si Lebron James.

Sa pagkakataong ito magsasama ang dalawang mahusay na player sa Cleveland Cavaliers na balwarte ni Lebron.

Ayon kay Wade, hindi maikakaila na maganda ang chemistry nilang dalawa ni King James kahit noon pang naglalaro sila sa Miami Heat na naging daan upang masungkit nila ang back-to-back NBA championship noong 2012 at 2013.

Aminado si Wade na isang malaking hamon para sa kaniya na mapabilang sa Cavaliers na home team ni James na itinuturing naman niyang kapatid.

Pursigido naman si Dwyane na tulungan ang kaniyang ‘ka-tandem’ na muling akasungkit ng kampyonato para sa Cavs.

_____

Inaasahang magiging matindi ang laban ng Chooks-To-Go Pilipinas kontra sa team ng China sa pagpapatuloy ng FIBA Championship Cup.

Aminado si Coach Chot Reyes na mabigat na kalaban ang Chinese club team dahil marami sa kanilang players ang shooter.

Gayunman, nagpahayag ng pag-asa si Reyes na madaaan nila sa hot shooting ang laro nila kontra Tsina tulad ng ginawa nila sa Team Thailand nitong araw ng linggo.

—-

Nabigo ang San Miguel Beermen na malasap ang inaasam na grand slam title.

Ito ay matapos na matalo at tambakan ng Barangay Ginebra sa kanilang paghaharap sa quarter finals ng PBA Governor’s Cup.

Nakagawa lamang ng 84 points ang San Miguel kontra sa 104 ng Ginebra.

Ayon kay Barangay Ginebra Coach Tim Cone, ginawa nila ang lahat ng makakaya sa laban bagama’t hindi nila akalaing matatalo nila ang San Miguel.

Susunod namang makakalaban ng Gin Kings ang mananalo sa pagitan ng Rain or Shine at TNT.

—-

Inamin ni Top Rank CEO Bob Arum na malabo nang magkaroon ng rematch sa pagitan nina dating Eigth Division World Champion Manny Pacquiao at WBO Welterweight Champion Jeff Horn.

Ayon kay Arum, hindi niya maisip ang dahilan kung bakit hindi pa kinuha ng Pambansang Kamao ang pagkakataon na labanang muli si Horn ngayong Nobyembre.

Sinabi ni Arum wala siyang ideya ngayon kung ano ang susunod na plano ng Fighting Senator.

Batay sa huli nilang pag – uusap, sinabi ni Arum na mas nakatutok ngaton si Pacquiao sa kaniyang responsibilidad bilang senador.

_____

Lumagda na sa ilalim ng Cleveland Cavaliers ang dating manlalaro ng Chicago Bulls na si Dwyane Wade.

Ayon sa ulat, inaasahang iki-clear ng 12 time all-star na si Wade ang mga waiver na kinakailangan para tulungang makalipat sa Cavs.

Dahil dito muling makakasama ni Wade si Lebron James na matatandaang magkatuwang na sumungkit ng kampeonato para sa Miami Heat.

Sinabi ni Lebron na hindi niya na maintay pa ang makalarong muli si Wade sa ilalim ng Cavs.

—-

Dadaan sa butas ng karayom mamayang gabi ang Chooks-To-Go Pilipinas kung saan makakasagupa nila ang koponan ng Iran.

Sa kabila nito desidido ang Pilipinas na makuha ang top spot sa group phase ng FIBA Asia.

Sakaling malusutan ang Iran mamayang gabi, sigurado na ang slot ng Pilipinas sa quarterfinals.

Sa ngayon ay hawak ng Pilipinas ang 2 wins at 1 loss record habang ang Iran ay may tig-isang panalo at talo.

Photo Credit: FIBA

—-

Apat na mga koponan ang sinasabing nag-aagawan at patuloy na nanliligaw kay three-time NBA champion Dwyane Wade.

Ito ay matapos na mapagkasunduan nina Wade at ng Chicago Bulls na iwan na lamang ang natitira pang 8 million dollars sa kanyang 23.8 million na suweldo sa Chicago.

Ayon sa ulat kabilang sa mga interasado na makuha si Wade ay ang San Antonio Spurs na may offer na 3.3 million dollars, Cleveland Cavaliers na 2.5 million dollars at Oklahoma City Thunder na 2.3 million dollars minimum offer.

Gayundin ang kanyang dating koponan na Miami Heat na nag-aalok umano ng 4.2 million dollars at sinabing nagpapaplano na ng homecoming party para kay Wade.

Gayunman, malaki umano ang tiyansa na mapunta si Wade sa Cavs dahil kay Lebron James.

—-

Nasungkit ng Swiss tennis star na si Roger Federer ang kampeonato sa kauna-unahang Laver Cup.

Ito ay makaraang idispatsa ni Federer ang kalabang si Nick Kygrios sa iskor na 4-6, 7-6.

Ang naturang torneo ay bilang pagpupugay sa 11-time major champion na si Rod Laver na nakapagtala din ng grandslam sa magkasunod na taon.

Ang tatlong araw na kompetisyon ay salpukan ng dalawang team na kinabibilangan ng pinakamagagaling na manlalaro ng tennis sa Europa na lalaban naman sa 6 na pinakamagagaling sa buong mundo.

—-

Tinambakan ng Chooks-To-Go Pilipinas ang mono vampire ng Thailand sa iskor 115 – 102 sa ginaganap na 2017 FIBA Asia Championship Cup sa Chenzhou China.

Pinangunahan ni Carl Bryan Cruz ang panalo ng Chooks-To-Go na nakakuha ng 28 puntos.

Nakadagdag naman sa iskor sina Isaiah Austin na naka 27-points at Kiefer Ravena na naka-24 points.

Sa kasalukuyan ay may dalawa nang panalo ang Chooks-To-Go Pilipinas at isang talo.

—-

Hindi binigo ni dating  Five –Division World Champion Nonito “the Filipino Flash” Donaire ang mga Pilipino sa muli nitong pagbabalik sa boxing ring.

itoy matapos na talunin ni Donaire si Ruben Garcia Hernandez sa kanilang 10 rounds bout para makuha ang WBC Silver Featherweight title.

Nagwagi si Donaire sa score na 100-90, 97-93, 99-91 via unanimous decision ng tatlong hurado.

Sinubukan pang bumawi ni Hernandez sa mga huling yugto ng laban ngunit hindi ito naging sapat upang gapihin ang “Filipino Flash”.

Ulat ni Jopel Pelenio

SMW: RPE