Patay sa aksidente sa Phnom Penh, Cambodia si dating PBA player Cristiano ‘Cris’ Bolado.
Nabatid mula sa Facebook post ng Inasal Nation, isang Pinoy restaurant na pag-aari ni Bolado ang pagkasawi nito matapos maaksidente sakay ng kaniyang motorsiklo kahapon.
Inaayos na ang agarang pagpapauwi sa Pilipinas ng labi ni Bolado partikular sa Lucban, Quezon kung saan ito ibuburol.
Lumabas naman sa news site na Fresh News Asia ang larawan ni Bolado na sugatan at wala nang malay samantalang nakatumba na ang motorsiklo nito.
Si Bolado na tinaguriang ‘Jumbolado’ ng PBA ay naglaro sa Alaska, San Miguel, Coca Cola, Purefoods at Gordons Gin.
—-