Home NEWS

NEWS

HEADLINESNEWS

ILEGAL DUMP SITE SA SUBIC, ZAMBALES, IPINATIGIL NG DENR

written by DWIZ 882
denr

Ipinatigil na ng Department of Environment and Natural Resources ang operasyon ng iligal na dumpsite sa loob ng lupang ninuno ng komunidad ng mga Aeta sa Subic, Zambales.

Ayon kay DENR Secretary Juan Miguel Cuna, nagpalabas na ang ahensya ng cease and desist order at inililipat na ang mga basura sa isang otorisadong dumpsite sa Pampanga.

Inamin ng DENR Na nahihirapan ang ilang lokal na pamahalaan na magtayo ng sariling sanitary landfill dahil sa kakulangan ng lupa at pondo.

Nanawagan din ang ahensya sa publiko na maging responsable sa tamang pagtatapon ng basura upang maiwasan ang pagkasira ng kalikasan.

Matatandaang lumitaw ang isyu matapos ang isang dokumentaryo na nagpakita ng pagkasira ng kagubatan at kontaminasyon ng pinagkukunan ng tubig ng komunidad ng mga Aeta dahil sa tambak na basura.

 

 

July 16, 2026 0 comment
0 Facebook Twitter Google + Pinterest
HEADLINESNATIONAL NEWSNEWS

PAG-BAN SA MGA VIOLENT ONLINE GAMES, SUPORTADO NI DEPED SEC. ANGARA

written by DWIZ 882
ONLINE GAMES VIOLENT GOREBOX

Suportado ni Education Secretary Sonny Angara ang posibilidad na ipagbawal o higpitan ang regulasyon sa mga mararahas na online games kasunod ng mga insidente ng karahasan sa ilang paaralan.

Ayon kay Secretary Angara, dapat pakinggan ang rekomendasyon ng mga eksperto upang matukoy kung aling mga laro ang may masamang epekto sa kabataan.

Tinukoy ng kalihim ang online game na Gorebox, na aniya’y naglalaman ng matinding karahasan at maaaring makaimpluwensya sa maling pag-uugali.

Binigyang-diin ni Secretary Angara na nakatuon ang DepEd sa pagpapalakas ng seguridad sa mga paaralan sa pamamagitan ng bag inspections, metal detectors, active threat drills, at pagpaparami ng guidance counselors upang matugunan ang mental health at behavioral concerns ng mga estudyante. | mula sa panulat ni Jordan Gutierrez

July 16, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNEWS

DEPENSA NI VP SARA, TUTOL SA SUBPOENA PARA SA BANK AT TAX RECORDS

written by DWIZ 882
VP SARA DEFENSE TEAM

Tinawag ng kampo ni Vice President Sara Duterte na isang “fishing expedition” ang patuloy na paggigiit ng house prosecution panel na mabuksan ang selyadong kahon na naglalaman ng tax records ng Bise Presidente at ng kanyang mister na si Atty. Manases Carpio.

Sa ika-anim na araw ng impeachment trial, iginiit ni defense counsel Atty. Michael Poa na naghahanap lamang ang prosekusyon ng posibleng ebidensya sa halip na maglatag ng matibay na batayan para sa kanilang mga alegasyon.

Kaya hindi anya dapat pahintulutan ng Senate Impeachment Court ang pagbubukas ng mga naturang dokumento dahil walang sapat na ligal na batayan ang prosekusyon.

Binigyang-diin ni Atty. Poa na ang paglalabas ng subpoena para sa financial records ay maaaring lumabag sa mga probisyon ng Anti-Money Laundering Act, Tax Code, at Bank Secrecy Law na nagbibigay ng proteksyon sa pagiging confidential ng naturang mga dokumento.

Bahagi ng pahayag ni Defense Counsel Atty. Michael Poa sa oral arguments ng Senate Impeachment Court kaugnay sa pag-subpoena sa tax records ni Vice President Duterte. | mula sa panulat ni Jordan Gutierrez

July 16, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNEWSTRENDING

DEFENSE TEAM NI VP SARA, TUTOL SA SUBPOENA PARA SA BANK AT TAX RECORDS

written by DWIZ 882
vp sara biro

Ipinababasura ng depensa ni Vice President Sara Duterte ang hiling ng House Prosecution panel na ipa-subpoena ang bank at tax records ng Bise Presidente at kanyang mister na si Atty. Manases Carpio.

Sa ika-anim na araw ng impeachment trial, inilatag ng defense at prosecution teams ang kanilang ligal na posisyon kaugnay sa pag-prisenta sa financial records ni VP Sara sa paglilitis.

Iginiit ni Defense Counsel Atty. Michael Poa na walang sapat na batayan ang naturang kahilingan ng prosekusyon dahil mali ang proseso at inuuna anyang magbintang bago maglatag ng matibay na ebidensya.

Binigyang-diin ni Atty. Poa na ang paglalabas ng subpoena para sa financial records ay maaaring lumabag sa mga probisyon ng Anti-Money Laundering Act, Tax Code, at Bank Secrecy Law na nagbibigay ng proteksyon sa pagiging kumpidensyal ng naturang mga dokumento.

Bahagi ng pahayag ni Defense Counsel Atty. Michael Poa sa oral arguments ng senate impeachment court kaugnay sa pag-subpoena sa tax records ni Vice President Duterte. | mula sa panulat ni Jordan Gutierrez

July 16, 2026 0 comment
0 Facebook Twitter Google + Pinterest
HEADLINESNEWS

SEN. PIA CAYETANO, KINONDENA ANG UMANO’Y PANANAKOT KAY SEN. ALAN CAYETANO

written by DWIZ 882
pia

Pinuna ni Sen. Pia Cayetano ang umano’y pressure at intimidation laban sa kapatid niyang si Sen. Alan Peter Cayetano matapos ihayag ni NBI Director Melvin Matibag na iniimbestigahan ang umano’y anomalya sa 2019 SEA games.

Kinuwestiyon ng senadora kung bakit inihayag ng NBI Chief ang imbestigasyon bago pa man ito humarap bilang testigo sa senado, at tinawag itong hindi nararapat.

July 15, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNATIONAL NEWSNEWS

SUBPOENA SA FINANCIAL RECORDS NI VP SARA, PAGDEDEBATEHAN

written by DWIZ 882
IMPEACHMENT TRIAL VP SARA

Ipagpapatuloy ngayong araw ang impeachment trial sa pagsasagawa ng oral arguments kaugnay ng hiling ng prosekusyon na maglabas ng subpoena para sa Anti-Money Laundering Council, Bank at Tax Records ni Vice President Sara Duterte at mister na si Atty. Manases Carpio.

Dahil walang testigong nakatakdang humarap sa ika-anim na araw ng paglilitis sa Pangalawang Pangulo, binago ng senate impeachment court ang mga patakaran sa pagdinig.

Bibigyan ang prosekusyon at depensa ng tig-15 minuto sa bawat mosyon upang ihayag ang kanilang argumento, at tig-10 naman para sa rebuttal.

Samantala, bago pagbotohan ang mga mosyon sa plenaryo, magsasagawa muna ng caucus ang mga senator-judge.

Maaari ring magsalita ang bawat senador nang hanggang 10 minuto sa pagtalakay kung pagbibigyan o tatanggihan ang mga kahilingan ng magkabilang panig. | mula sa panulat ni Jordan Gutierrez

July 15, 2026 0 comment
0 Facebook Twitter Google + Pinterest
HEADLINESNEWS

BARANGAY AT SCHOOL VISITATIONS SA QC, PINALAWAK KONTRA CYBERBULLYING

written by DWIZ 882
CYBER CRIME

Pinaigting ng Quezon City District Anti-Cybercrime Team ang barangay at school visitations bilang bahagi ng mas agresibong kampanya laban sa cyberbullying, kasunod ng insidente ng pamamaril sa isang paaralan sa Tacloban City.

Ayon kay Quezon City Councilor Aly Medalla, nakahain na ang School Safety and Child Protection Ordinance na naglalayong higit pang palakasin ang proteksyon sa mga mag-aaral at inaasahang maipapasa ngayong taon.

Aniya, nakahanda rin ang complaint system ng lungsod upang agarang tugunan ang mga reklamo kaugnay ng bullying at cyberbullying.

Sa tala ng lungsod, 33 kaso ng cyberbullying ang naitala sa Quezon City, kung saan 99 porsiyento ng mga ito ang naresolba sa tulong ng Philippine National Police at iba pang law enforcement agencies.

Samantala, pinaalalahanan ng mga awtoridad ang publiko na maging responsable sa paggamit ng social media at online gaming dahil maaari itong maging daan sa online harassment, toxic behavior, at cyberbullying kung hindi magagamit nang maayos. | mula sa panulat ni Jenn Patrolla

July 15, 2026 0 comment
0 Facebook Twitter Google + Pinterest
HEADLINESNATIONAL NEWSNEWS

NBI chief Melvin Matibag, haharap sa impeachment court sa susunod na linggo

written by DWIZ 882
MATIBAG NG NBI

Asahan na susunod na linggo ang pagharap sa Senate Impeachment Court ni National Bureau of Investigation o NBI Director Melvin Matibag.

Ito’y matapos aprubahan ng senator-judges ang kahilingan ng House Prosecution Team na ilipat sa July 20 ang pagtestigo ni Matibag bago ang kaniyang pag-alis patungong Bangkok, Thailand para daluhan ang isang law enforcement summit.

Matatandaang kahapon, inihirit ng prosekusyon na mauna nang tumestigo si Matibag, pero tinutulan ito ng depensa dahil sa posibilidad na maging dehado ang kanilang panig dahil sa biglaang pagbabago ng iskedyul ng mga saksi.

Bilang tugon, inaprubahan ni Senate Impeachment Court Presiding Officer Chiz Escudero ang mungkahi ni Senate President Sherwin Gatchalian na itakda sa Lunes ng susunod na linggo ang pagdalo ni Matibag. Pero kung hindi matatapos ang testimonya sa araw na iyon, ipagpapatuloy ito sa susunod na pagdinig hanggang makumpleto ang direct, cross, redirect, at recross examination.

Sa pagharap ni Matibag sa susunod na linggo, inaasahang tatalakayin ang resulta ng imbestigasyon ng NBI kaugnay sa mga pahayag ni Vice President Sara Duterte noong Nobyembre 2024 at ang mga kasong kriminal na isinampa kaugnay ng insidente. | via Geli Mendez/DWIZ Patrol

July 14, 2026 0 comment
0 Facebook Twitter Google + Pinterest
NEWSRONDA PROBINSYA

DATING BISE ALKALDE SA ALIAGA NUEVA ECIJA HANDANG MAGBIGAY NANG P100K  NA PABUYA SA MAKAKAPAGTURO SA NANLOOB NG KANYANG BAHAY

written by DWIZ 882
EX VICE MAYOR NINAKAWAN SA NUEVA ECIJA

Magbibigay nang pabuya na P100k ang dating Bise Alkalde ng Aliaga Nueva Ecija sa makakapagturo o makakapagbigay ng impormasyon sa mga suspek na nanloob at nagnakaw sa kanyang tahanan sa baranggay San Juan Aliaga Nueva Ecija.

Matatandaan na noong June 24, ay pumasok ang dalawang suspek na dumaan sa  mataas na bakod at puwersahan na sinira ang bakal na nakaharang gamit ang isang bareta de kabra.

Sa kuha sa CCTV footages makikita na nag-ala-spiderman at naglambitin ang dalawang suspek na nakasuot ng bonnet na dumaan sa gilid ng pader sa bahay ng biktima at malayang nakapasok sa loob ng bahay at natangay ang isang long firearms na nakatago sa kwarto ng ng ex-Vice Mayor at puwersahan din na binuksan ang isang cabinet vault na nasa loob ng bahay.

Sa ulat naman ng PNP Nueva Ecija nasampahan naman ng kaso ang tatlong suspek na hanggang sa kasalukuyan ay pinaghahanap pa ng mga awtoridad.

Nagpsalamat naman ang naturang Bise Alkalde sa PNP dahil sa matiyagang pag-follow-up nila sa kaso para matukoy ang mga suspek.

Laking pasasalamat naman ni ginoong Javaliyas dahil hindi pinasok ang kwarto ng kanyang mga anak na natutulog noong oras na pasukin ang kaniyang tahanan. | via Cris Sansano/DWIZ correspondent

July 14, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNATIONAL NEWSNEWS

SATISFACTION RATING NI PBBM, NAG-IMPROVE AYON SA SWS SURVEY

written by DWIZ 882
PBBM

Umangat ang net satisfaction rating ni Pangulong Ferdinand Marcos Jr. nitong Hunyo ng kasalukuyang taon.

Sa datos ng Social Weather Stations (SWS), mula sa -15 noong March 2026, umakyat ito sa -7, na ikinokonsidera ng SWS bilang “neutral” level.

Batay sa survey, 46% ng mga Pilipino ang nagsabing nasisiyahan sila sa pagganap ng Pangulo sa kanyang tungkulin, habang 39% ang hindi nasisiyahan at 15% ang hindi makapagpasya o undecided.

Isinagawa ang second quarter 2026 SWS survey mula June 20 hanggang June 29 sa pamamagitan ng face-to-face interviews sa 1,200 respondents. | mula sa panulat ni Jordan Gutierrez

July 14, 2026 0 comment
0 Facebook Twitter Google + Pinterest
Newer Posts
Older Posts