Dumating na sa Davao ang mga miyembro ng gabinete ni Pangulong Ferdinand Marcos Jr. bilang bahagi ng pagtugon ng pamahalaan sa epekto ng magnitude 7.8 na lindol sa Mindanao.
Mula Davao, tutungo ang mga opisyal sa General Santos City upang personal na tutukan ang sitwasyon at tiyakin ang agarang ayuda para sa mga apektadong residente.
Tumanggi ang 18 testigo na kinakatawan ni Atty. Levi Baligod na dumalo sa nakatakdang Blue Ribbon hearing kaugnay ng umano’y anomalya sa flood control projects.
Iginiit niya na hindi sila nakatitiyak sa kanilang seguridad at pagiging patas ng pagdinig dahil kabilang umano si Sen. Erwin Tulfo sa mga pinangalanan sa kanilang mga alegasyon, ngunit siya rin ang mangunguna sa imbestigasyon.
Ayon pa kay Baligod, kuwestiyonable ang imbitasyong ipinadala sa kanila dahil wala umano itong pirma ng chairman ng komite at ng Senate President.
Nanawagan si Sen. Erwin Tulfo sa 18 self-confessed bagmen na dumalo sa Blue Ribbon Committee meeting kaugnay ng isyu ng umano’y anomalya sa mga flood control projects ngayong Hunyo 8.
Ang 18 indibidwal, na inilarawang mga dating Marines, ay kasalukuyang nasa tanggapan ni Sen. Robin Padilla para sa isang press conference.
Sinabi ni NBI Director Melvin Matibag na hindi sapat ang mga ebidensiyang inilahad ng 18 dating bodyguards ni dating Cong. Zaldy Co upang makabuo ng probable cause.
Ayon kay Matibag, kulang ang mga ebidensiya at kinakailangan pa ng mas matibay na patunay bago ito maging batayan ng anumang kaso.
Kinondena ni Sen. Raffy Tulfo ang pagtawag ni Sen. Loren Legarda na “mga bayani” ang 18 umano’y bagmen ni dating Cong. Zaldy Co.
Ayon kay Tulfo, hindi dapat ituring na bayani ang mga indibidwal na umaming naging bahagi ng umano’y ilegal na gawain, sa gitna ng nagpapatuloy na imbestigasyon sa mga alegasyon ng kickback sa mga flood control projects.
“Itong 18 kargador na ilang taon umanong nagtrabaho kay Zaldy Co…at bigla na lamang daw silang tinubuan ng konsensya at ngayon ay naninira ng buhay ng mga inosenteng tao ay tatawagin nating bayani?
Pasensya na, hindi ako papayag na matabi ang mga sinungaling na ito kina Jose Rizal, Andres Bonifacio, at ang mga dakila nating OFWs.
At dito papasok ang pangalawa kong punto, hindi lang ang kredibilidad ng 18 kargador ang kaduda-duda, kundi pati ang mismong kanilang testimonya ay nakakapagtaka,” ani Tulfo.
Inanunsyo ng Philippine Space Agency ang dalawang malaking update sa space program ng bansa.
Ayon sa PhilSA, may plano na itong magpalipad ng isang liquid-fuelled rocket mula sa Lal-lo Airport sa Cagayan sa susunod na taon.
Ito’y upang maitampok ang bansa bilang isang ligtas na spaceport sa Asia-Pacific region, na posibleng makatulong sa pagbabawas ng gastos sa spaceflight, mapaigting ang launch efficiency, at pagbibigay ng oportunidad at trabaho para sa space activity ng bansa sa hinaharap.
Samantala, kasalukuyang nasa space environment testing ang satellite na pinangalanang “Multispectral Unit for Land Assessment” o “MULA,” na nakatakdang ilipad sa kalawakan sa Abril 2027 bilang bahagi ng “Transporter-20” mission ng kompanyang SpaceX.
Inaprubahan na rin ni Pangulong Ferdinand Marcos Jr. ang pagmamadali sa planong paggawa ng iba pang “MULA” satellite sa bansa. — sa panulat ni Anjo Riñon
Humingi ng paumanhin si Sen. Erwin Tulfo sa kanyang matitinding pahayag sa gitna ng tensyon sa Senado nitong mga nakaraang araw.
Aminado siya na hindi angkop ang kanyang naging salita kaugnay ng mga panukalang pagpapaaresto at pagpapaalis sa ilang indibidwal sa plenaryo, at nanawagan na magkaisa ang mga senador upang maipagpatuloy ang trabaho para sa publiko.
#dwiz #dwiznews #aliw23
Iginiit ni Senate Blue Ribbon chair Sen. Erwin Tulfo na handa siyang harapin ang mga alegasyong ibinabato laban sa kanya, kabilang ang umano’y pagtanggap ng maletang may lamang pera at pagkakasangkot sa human trafficking.
“Ito pong mga nangyayaring ito hindi na po ako nagtataka […] nakahanda naman po ako — itong mga maleta, ngayon nadagdagan [ng] human trafficking,” ani Tulfo.
Ayon sa senador, inaasahan pa niyang madaragdagan ang mga alegasyon lalo na matapos maiugnay ang kanyang pangalan sa usaping pagtakbo umano bilang bise presidente.
“Inaasahan ko na po ang iba pang mga kaso sa mga darating na panahon dahil lumabas na naman ‘yung pangalan ko na tatakbo bilang Vice President […] kaya nga sinabihan ko ang kapatid ko, ‘maghinay-hinay at sabihin na talaga natin na wala naman talaga tayong plano parang-awa niyo na,'” pahayag ni Tulfo.
Ito ang naging pahayag ni Sen. Erwin Tulfo sa programang Asintado Ciento Por Ciento sa DWIZ matapos maging matunog ang kanyang pangalan sa diumano’y planong pagtakbo bilang Bise Presidente.
HABANG patuloy na bumibilis ang paggamit ng digital na teknolohiya sa buong bansa, pinalalawak ng Globe ang adbokasiya nito para sa cyber safety sa labas ng mga pangunahing urban center sa pamamagitan ng pagdadala sa award-winning Digital Thumbprint Program (DTP) nito sa Puerto Princesa upang matulungan ang mas maraming Pilipino na maging ligtas, kumpiyansa, at responsable sa paggamit ng online world.
Isang matagal nang isinasagawang inisyatiba para sa digital literacy, ang DTP ay nagbibigay sa mga estudyante, propesyonal, at komunidad ng praktikal na kaalaman upang matukoy ang mga banta sa online, maprotektahan ang personal na impormasyon, at makabuo ng responsableng digital habits.
Naabot na ng programa ang milyon-milyong mag-aaral sa buong bansa at isinama na rin ito sa K–12 curriculum ng Department of Education, na nagpapakita ng mahalagang papel nito sa pagpapalakas ng digital citizenship ng mga kabataang Pilipino.
Ang agarang pangangailangan para sa mas malakas na kamalayan sa cyber ay patuloy na lumalaki. Noong 2024, ang Pilipinas ay nakapagtala ng 10,004 cybercrime complaints, higit triple ng 3,317 kaso na iniulat noong 2023, ayon sa Cybercrime Investigation and Coordinating Center.
Ang mga biktima ng online crimes ay nawalan ng halos P198 milyon dahil sa mga mapanlinlang na salarin, kung saan kabilang sa mga reklamong naitala ang consumer fraud, phishing, identity theft, at iba pang banta sa cybersecurity na nakaapekto sa mga indibidwal at organisasyon.
Sa Puerto Princesa, direktang dinala ng Globe ang pagkatuto na ito sa mga sektor kung saan ang digital awareness ay maaaring magkaroon ng agarang epekto. Sa Western Philippines University, 100 estudyante mula sa criminology, business administration, at marketing ang lumahok sa interactive DTP sessions na nakatuon sa pagtukoy ng mga kahina-hinalang online activity, pagprotekta sa personal data, at paggawa ng matalinong digital decisions na sumusuporta kapwa sa academic at future professional success.
Naabot din ng programa ang mga healthcare worker sa ACE Medical Center Palawan, kung saan 50 empleyado, kabilang ang IT personnel, administrative staff, marketers, at interns, ang tumanggap ng practical guidance sa cybersecurity hygiene at data protection. Lalong nagiging mahalaga ang pagpapalakas ng kamalayan sa cybersecurity sa mga institusyong pangkalusugan dahil mas umaasa ang mga ito sa mga digital na sistema upang maprotektahan ang sensitibong impormasyon, mapanatili ang tuloy-tuloy na operasyon, at mapangalagaan ang tiwala ng publiko.
Tinalakay rin sa mga sesyon ang mga umuusbong na teknolohiya tulad ng artificial intelligence, upang matulungan ang mga kalahok na maunawaan kung paano mapapabuti ng inobasyon ang kahusayan habang pinagtitibay ang kahalagahan ng etikal at ligtas na digital practices upang mabawasan ang mga panganib tulad ng data breaches at maling paggamit.
“As cyber threats become more sophisticated, from online scams to data breaches, it is crucial that we empower Filipinos to stay one step ahead through awareness and education,” pahayag ni Yoly Crisanto, Globe Chief Sustainability and Corporate Communications Officer.
“Through the Digital Thumbprint Program, we are not only teaching safe and responsible digital behavior, but also helping communities understand how to protect themselves in an increasingly connected world.”
Idinagdag ni Crisanto na lalong nagiging mahalaga ang digital responsibility habang mas maraming sektor ang gumagamit ng mga makabagong teknolohiya. “In sectors like healthcare, where digital systems and even AI are increasingly being used, we see both opportunity and responsibility. AI can help accelerate progress in medical services and improve efficiency, but it must be guided by strong cyber hygiene and ethical digital practices. By educating both students and professionals, we are helping build a safer and more resilient digital ecosystem for everyone.”
Sa pagdadala sa DTP sa Puerto Princesa, patuloy na pinalalawak ng Globe ang access sa digital safety education sa buong bansa bilang bahagi ng mas malawak nitong adbokasiya na tumulong sa pagbuo ng mas ligtas at mas matatag na digital ecosystem kung saan sabay na sumusulong ang inobasyon at seguridad.
MANILA— Nagbabala ang consumer advocacy group CitizenWatch Philippines sa mga mambabatas na ang panukalang blanket ban sa access ng mga menor de edad sa social media ay maaaring maglantad sa kanila sa mas malaking panganib online sa halip na protektahan sila.
Sinabi ng grupo na maaaring hindi maipakita ng malawakang paghihigpit ang aktuwal na gawi ng mga menor de edad online, at nagbabala na maaari silang itulak ng mga ganitong polisiya sa mga hindi gaanong regulated digital space kung saan mas mahina ang mga pananggalang o proteksiyon at limitado ang pagbabantay.
Binigyang-diin ng co-convenor ng grupo na si dating Quezon City lawmaker Kit Belmonte na bagama’t ang pagprotekta sa mga bata online ay isang lehitimong layunin, ang total ban ay hindi ang tamang solusyon sa masalimuot na mga panganib na kinahaharap ng mga kabataang gumagamit ng internet sa kasalukuyan.
“It may overlook important nuances, create unintended consequences and fail to address the real sources of harm. Protecting minors online should not mean excluding them from the digital world,” ani Belmonte.
Hindi bababa sa 15 panukala sa Kongreso — 10 sa House of Representatives at 5 sa Senado — ang kasalukuyang nagsusulong ng mga restriksiyon o outright bans sa mga menor de edad sa paggamit ng social media, humuhugot ng inspirasyon mula sa mga polisiya na ipinatupad sa mga bansa na tulad ng Indonesia at Australia.
Gayunman, nagbabala ang CitizenWatch na maaaring pahinain ng mga hamon sa pagpapatupad at behavioral realities ang bisa ng naturang mga panukala.
Ayon sa grupo, ang mga menor de edad ay mabilis mag-adapt at maaaring madaling makaiwas sa mga restriksyon sa pamamagitan ng mga virtual private network (VPN), pekeng pagkakakilanlan, o paglipat sa iba pang mga platform.
“Young users are highly adaptive in digital spaces. If access is restricted on mainstream platforms, some may simply migrate to channels that are harder for parents, platforms, and regulators to monitor. That may risk displacing harm rather than reducing it,” dagdag pa ng grupo.
Binigyang-diin ng grupo na ang pagtulak sa mga menor de edad sa hindi lantad na bahagi ng internet ay maaaring magpataas ng kanilang pagkakalantad sa cyberbullying, mapanlinlang o mapang-abusong pag-uugali, panloloko, at malaswang nilalaman.
Nagpahayag din ng pangamba ang grupo sa mas malawak na implikasyon ng pagbabawal sa digital ecosystem. Binanggit nito na ang mga social media platform ay malalim nang nakapaloob sa pang-araw-araw na pamumuhay, na nagsisilbi hindi lamang bilang daluyan ng libangan kundi pati mga kasangkapan para sa edukasyon, komunikasyon, at aktibidad na pang-ekonomiya.
Ang paghihigpit sa access ay maaari ring makaapekto hindi lamang sa mga gumagamit kundi pati sa mga negosyo na umaasa sa digital na pakikipag-ugnayan, kabilang ang maliliit na online sellers at mga content creator.
.
Kinuwestiyon din ni Belmonte ang kakayahan ng pamahalaan na magpatupad ng isang nationwide ban, partikular sa pag-obliga sa pagsunod mula sa mga global technology companies na maaaring walang malakihang presensiya sa Pilipinas.
“How the government ensures compliance across global platforms is a serious implementation question that deserves careful study,” aniya.
Maaaring mangailangan din ang mga panukala ng mahigpit na sistema ng beripikasyon sa edad, na posibleng gumamit ng sensitibong personal na datos tulad ng mga government-issued ID o biometric na impormasyon. Nagbabala ang CitizenWatch na maaaring magdulot ang naturang mga requirement ng mga bagong panganib sa privacy para sa mga pamilya at menor de edad.
“Any regulatory model must be workable not only in principle, but also in practice,” sabi ni Belmonte, binigyang-diin ang pangangailangan para sa mga polisiya na kapwa technically feasible at napananatili nang pangmatagalan.
Sa halip na blanket bans, isinusulong ng grupo ang isang “balanced, proportionate regulation” framework na nakatuon sa pagpapalakas ng child safety standards habang pinananatili ang access sa mga benepisyo ng pakikilahok sa digital na mundo.
Kabilang sa mga panukalang hakbang ang mas ligtas na default settings para sa mga menor de edad, mas matibay na parental controls, pinahusay na mga mekanismo sa pag-uulat, at mas mahigpit na pagpapatupad ng mga batas sa data privacy at consumer protection. Ang digital literacy education ay tinukoy rin bilang mahalagang bahagi sa pagtulong sa mga kabataang gumagamit na responsableng makapag-navigate sa mga panganib online.
“The shared objective is to keep minors safe online. The most effective path is thoughtful regulation that protects children, empowers families and implements responsibly,” dagdag pa ni Belmonte.