NATIONAL NEWS

Suspek sa pamamaril sa Tacloban City, inilarawan bilang “quiet at socially withdrawn”

Tahimik, hirap makihalubilo sa mga kaklase, at may mababang academic performance. Ganito inilarawan ng isang gurong tumangging magpabanggit ng pangalan ang isa sa mga suspek sa pamamaril sa San Jose National High School sa Tacloban City nitong Lunes, Hunyo 22.

Dagdag pa nito, dapat sana ay Grade 10 na ang estudyante ngunit nanatili sa Grade 9 dahil sa mababang marka.

Patuloy na inaalam ng mga imbestigador kung may kaugnayan ang mga ulat ng bullying sa insidente at kung ito ay premeditated, habang bineberipika rin ang background ng mga suspek, kabilang ang ulat na may kamag-anak ang isa sa law enforcement.

Umigting din ang usapin ng seguridad sa paaralan matapos lumabas na dalawang security guard lamang ang naka-assign sa kabila ng mahigit 1,600 na mag-aaral.

Sa kasalukuyan, may tatlong nasawi at pitong estudyante naman ang sugatan dahil sa insidente.

Suportado ng iba’t-ibang electric vehicle o EV brands ang kampanya ng Department of Energy hinggil sa paggamit nito sa bansa.

Patunay dito ang paglahok ng maraming electric vehicle o EV brands sa ika-10 Philippine International Motor Show 2026 o PIMS 2026.

Ayon kay Director Patrick Aquino ng Energy Utilization and Management Bureau ng Department of Energy na nagsisilbing mahalagang plataporma ang Philippine International Motor Show 2026 sa pagpapakita ng inobasyon at pag-unlad ng sektor ng transportasyon tungo sa mas episyente at makabagong mobility solutions.

Naging tampok sa Philippine International Motor Show 2026 ang electric mobility kung saan 17 global automotive brands ang nagpakita ng kanilang mga produkto sa World Trade Center Metro Manila.

Kabilang sa mga dinumog ng mga dumalo ang VinFast na nagpakita ng iba’t ibang electric vehicle models kabilang ang VF 3, VF 6, VF 7, VF 9, Herio Green at Limo Green.

Pinukaw naman ang interes ng mga pamilya ng VinFast MPV 7, isang fully electric seven-seater vehicle na may hanggang 450 kilometro na saklaw sa isang full charge at may kakayahang mag-fast charge sa loob ng humigit-kumulang 30 minuto.

Ayon naman kay Antonio Zara III, CEO ng VinFast Southeast Asia, bahagi ng pakikilahok ng kumpanya sa Philippine International Motor Show 2026 ang pagsuporta sa mga programa ng pamahalaan para mapabilis ang paglipat sa electric mobility.

Batay sa datos ng International Energy Agency, maaaring umabot sa 45 porsiyento ng kabuuang vehicle sales sa Pilipinas ang EV pagsapit ng 2035 kung magpapatuloy ang suporta sa electric mobility. | Jun Samson (Patrol 24)

Ilang bahagi ng Metro Manila ang binaha matapos ang isang oras na bugso ng ulan kagabi, June 21.

Ayon sa Metropolitan Manila Development Authority, ang sanhi ng naturang pagbaha ay ang sandamakmak na basura na bumara sa mga drainage.

Kabilang sa mga lugar na naapektuhan ay ang EDSA Balintawak sa Quezon City, Gov. Pascual Avenue sa Malabon, C-5 Road sa Makati, C-5 Bayani Road sa Taguig, at EDSA–East Avenue to Kamuning sa Quezon City.

Dahil dito, agad na rumesponde ang MMDA flood control team upang linisin ang mga drainage inlet para humupa ang tubig-baha.

Sa ngayon, patuloy ang monitoring ng ahensya sa mga pangunahing lansangan na binaha, layong matiyak ang kaligtasan ng publiko. — Sa panulat ni Reabelle Medina