HOT STORIES OF THE WEEK

Ikinakasa na ng mga grupo ng manggagawa ang malakihang kilos protesta sa darating na Mayo 1, Martes, Labor Day.

Ito’y para kalampagin at ipanawagan na rin kay Pangulong Rodrigo Duterte na tuparin nito ang kanyang ipinangako na tutuldukan ang usapin ng kontraktuwalisasyon sa bansa.

Nakatakdang magmartsa sa makasaysayang Don Chino Roces Bridge sa Mendiola, Maynila ang mga grupong KMU o Kilusang Mayo Uno, Nagkaisa Labor Coalition at iba pa.

Ngayong araw, tatapusin na ng KMU ang ginawa nilang effigy ni Pangulong Duterte gayundin ang mural na nagpapakita ng pagkakaisa ng mga manggagawa sa ibang sektor.

Isang pulong balitaan naman ang isasagawa ng mga labor groups bukas, Abril 30 para sa pagdideklara ng National Day of Protest na inaasahang dadaluhan ng mahigit isandaan at limampung libong (150,000) manggagawa sa buong bansa.

Kahapon, ibinabala ng grupong Partido ng Manggagawa kay Pangulong Duterte na asahan nang sasadsad pa ang net trust ratings nito kung hindi agad matutupad ang pangako nito na tatapusin ang problema ng bansa sa kontraktuwalisasyon.

—-

Handang makinig si Pangulong Rodrigo Duterte sa reklamo ng mga mamumuhunan kung sila’y mabibiktima ng mga tiwaling opisyal at kawani ng pamahalaan.

Iyan ang inihayag ng Pangulo sa pagharap nito sa mga negosyante sa Singapore kasabay ng kaniyang pagdalo sa ASEAN Summit sa naturang bansa.

Kahapon, sinaksihan ng Pangulo ang paglalagda ng sampung kasunduan sa pagitan ng Pilipinas at ng mga negosyante ng Singapore na nagkakahalaga ng isandaan at walumpu’t pitong (187) milyong dolyar.

Ayon sa Pangulo, maglalagay siya ng dedicated hotline para sa mga negosyante na mabibiktima ng pang-aabuso at pangongotong ng ilang mga tiwaling kawani ng gobyerno dahil nais niyang maging simple ang pagnenegosyo sa bansa.

“All of these things can be done with enough personnel there to follow it up and I assure you I will establish a line that’s very simple to follow. And if you have any misgivings, just call me. Especially if it’s about corruption, I will give you time to talk to me?”

“Do not give in to them. All you have to do is to make a call I said and I will grant you anytime especially about graft, about workers in government asking for money.”

“As long as you pay your taxes, just obey the laws, the environmental requirements are there and everything that would maybe bring in some complaints.”

“There are a set of laws to follow. If it’s followed, then we are okay and we can talk about business.? And I welcome you. I will give you, I assure you the protection that you need.”

“That is the only thing that you need to hear from me. That you are protected, that you can bring out your profits, that there will be law and order in your place and that you will not be visited by a lot of government people questioning this question that —- in the guise of inspection but for the reason that they are there because of the money.” Pahayag ng Pangulong Duterte

—-

Hindi ititigil ng gobyerno ang pagsagip sa natitira pang mga inabusong OFW sa Kuwait.

Sa kabila ito ng gusot ng Pilipinas at Kuwait matapos palayasin ng Kuwaiti government si Philippine Ambassador Renato Villa matapos ang ginawang pag rescue ng embassy officials sa mga distressed OFW sa nasabing bansa.

Tiniyak ni DFA Secretary Alan Peter Cayetano ang patuloy na pagsagip sa mga inaabusong pinoy workers sa Kuwait.

Nasa Singapore na si Pangulong Rodrigo Duterte upang dumalo sa 32nd Association of Southeast Asian Nations o ASEAN Summit.

Mag-a-alas 10:00 kagabi, oras sa Pilipinas nang  dumating si Pangulong Duterte sa Singapore mula sa Davao International Airport.

Sa kanyang departure speech, inihayag ni Pangulong Rodrigo Duterte na nananatili ang Pilipinas sa pangakong matatag na pakikipag-ugnayan sa mga kapwa ASEAN member upang makamit ang mga pagbabagong hinahangad para sa rehiyon.

“[Singaporean] Prime Minister Lee Hsien Loong’s invitation provides the opportunity for Southeast Asian nations to continue working closely to further strengthen community-building and advance greater peace, security and stability in the region.”

 “As a responsible state, the Philippines remains committed to engage our partners to achieve the change that we want and need.” Pahayag ng Pangulo

Isusulong din aniya sa pulong ang implementasyon ng kasunduan para sa proteksyon ng mga  migrante  na nilagdaan sa Pilipinas noong isang taon.

“Rest assured that your government will take every opportunity and use every available venue to uphold, protect and promote the rights of our countrymen working abroad.”

“Technology and innovation will be key instruments in achieving inclusive and sustainable growth. With technology and innovation, we can also further enhance regional inter-connectivity and address traditional and emerging threats.” Dagdag ng Pangulong Duterte

Ayon sa Palasyo, nakatakdang magsagawa ng bilateral meetings ngayong araw si Pangulong Duterte kasama sina Singapore Prime Minister Lee Hsien Loong, Indonesian President Joko Widodo at Vietnamese Prime Minister Nguyen Xuân Phúc para sa sidelines ng Summit.

Bibisitahin din ng Pangulo ang Filipino community sa Singapore, Sabado ng gabi.

—-

Naghain na ng diplomatic protest ang Pilipinas kaugnay sa pagpapa-recall  ng Kuwaiti Government kay Philippine Ambassador Renato Pedro Villa, pagpapa-aresto  sa tatlong  Filipino Diplomats  at patuloy na pagkakabilanggo ng apat na iba pang  embassy personnel.

Sa ipinadalang diplomatic note, nagpahayag din  ang  Department of Foreign Affairs ng pagkadismaya sa aksyon ng Kuwait.

Ito’y sa kabila ng napagkasanduan ng Pilipinas at Kuwait nang pulungin ni Pangulong Rodrigo Duterte  sina  Foreign Affairs Secretary Alan Peter Cayetano at Kuwaiti Ambassador  Saleh Ahmad Althwaik sa Davao City, noong Martes.

Magugunitang ipinag-utos ng Kuwaiti Government ang pagpapalayas kay Villa sa kanilang bansa hinggil sa kontrobersyal na video ng pag-rescue sa isang Overseas Filipina Worker na inabuso umano ng amo.

Aabot sa isang libo pitong daan at dalawampu’t apat (1,724) ang nakapasa mula sa mahigit anim na libo’t pitong daang (6,700) nagsikuha ng 2017 Bar Examinations.

Katumbas ito ng 25.55 percent ng kabuuang kumuha ng pagsusulit.

Inanunsyo ni Associate Justice Lucas Bersamin ang bar exam results kung saan nanguna sa listahan si Mark John Simondo mula sa University of St. La Salle Bacolod na nakakuha ng average na 91.0500.

ATM: AJ Lucas P. Bersamin announces the #BAR2017 results. 1,724 successful examinees. Univ of St. La Salle Bacolod graduate Mark John Simondo tops the bar with an average of 91.0500%. pic.twitter.com/mJ3CXrVtqE

— Supreme Court PIO (@SCPh_PIO) April 26, 2018

(2nd to 10th Place)

2. Balili, Christianne Mae C. 
University of San Carlos
90.80%
3. Remoroza, Camille B.
Ateneo de Davao University
90.70%
4. Hisoler, Ivanne D’Laureil I.
University of San Carlos
89.55%
5. Yap, Monica Anne T.
San Beda College-Manila
89.45%
6. Gayya, Lorenzo Luigi T.
University of Santo Tomas
89.10%
7. Servacio Rheland S.
University of San Carlos
89.00%
8. Alcantara-Bagni, Krizza Fe P.
St. Mary’s University
88.90%
Mariacos, AlgieKwillon B.
San Beda College-Manila
88.90%
9. Torralba, Klinton M.
University of Santo Tomas
88.65%
10. Aguilar, Emma Ruby J.
University of Santo Tomas
88.40%

Full List

—-