HOT STORIES OF THE WEEK

Bibigyan ng dagdag na taunang grocery allowance ni House Speaker Gloria Macapagal-Arroyo ang mga empleyado ng Kamara.

Ayon kay Arroyo, tatanggap na ng P35,000 mula sa dating P5,000 grocery allowance ang mga empleyado ng Kamara kada taon.

Mayruon na aniyang authorization ni House Committee on Accounts chair. Yedda Romualdez na maglabas ng nasabing halaga para sa mga empleyado ng mababang kapulungan at ang P5,000 grocery allowance ng mga empleyado ay naibigay nuong nakalipas na buwan.

Sinabi ng House Speaker na kadalasang nagloloan ang mga empleyado ng Kamara sa Agosto at Setyembre na tinawag niyang taghirap months.

(Ulat ni Jill Resontoc)

House employees makakatanggap ng P35,000 grocery allowance ngayon buwan -Arroyo @dwiz882

— Jill Resontoc – DWIZ -882 AM radio (@JILLRESONTOC) September 3, 2018

Nagbitiw na sa puwesto si Supreme Court Spokesperson Theodore Te.

Ito ang kinumpirma ni Te ngayong araw.

Ayon sa ulat, tinanggap na ni Chief Justice Teresita Leonardo-de Castro ang irrevocable resignation na isinumite ni Te noong August 29.

“I am returning to full-time academic life, which I had put on hold starting 2013 to be able to serve the judiciary and the Supreme Court. I respectfully believe that I would be of greater value to the judiciary and the Court in the academic world at this time.”

“I believe that Your Honor should be given a free hand to craft your own media policies and to appoint a person whom your Honor believes could best implement those policies.”

“It has been a pleasure to have served on 3 committees which Your Honor has led during my tenure as chief of the Public Information Office. May I respectfully offer my every good wish for your and the Court’s success.” Bahagi ng isinumiteng resignation letter ni Te kay Chief Justice De Castro

Itinakda naman sa September 7 ang huling araw sa trabaho ni Te na papalitan ni Deputy Information Chief Maria Victoria Gleoresty Guerra bilang acting PIO chief.

Una nang naitalaga sa posisyon si Te noong 2013 sa ilalim ng pamumuno ng pinatalsik na Chief Justice Maria Lourdes Sereno.

Matatandaang, nagpahayag ng mariing pagtutol si Te matapos na patalsikin sa puwesto sa pamamagitan ng quo warranto petition si Sereno noong May 11.

Ilang minuto matapos na ilabas ng SC ang desisyon sa kaso ni Sereno ay nag-post si Te sa kanyang official Twitter account na: “I dissent!” —AR

pic.twitter.com/NAvjdOy9YE

— Theodore Te (@TedTe) May 11, 2018

—-

Dumating na sa Israel si Pangulong Rodrigo Duterte para sa kanyang apat na araw na official visit.

Dakong ala-1:30 kaninang madaling araw, oras sa Pilipinas nang dumating si Pangulong Duterte sa Ben Gurion International airport sa Tel Aviv.

Sinalubong ang Pangulo nina Philippine Ambassador to Israel Nathaniel Imperial at Israeli Ambassador to the Philippines Rafael Harpaz.

Bukod kay Israeli Prime Minister Benjamin Netanyahu, makikipagkita rin si Duterte sa Filipino community at sasaksihan ang paglagda sa ilang kasunduan sa larangan ng labor, science at investment sa pagitan ng dalawang bansa.

Nakatakda ring bisitahin ni Pangulong Duterte ang open doors monument sa bayan ng Rishon Lezion na isang pagkilala sa open door policy ni dating Pangulong Manuel Quezon na tumanggap at bigyan ng pansamantalang matitirhan ang mga hudyong tumakas mula sa holocaust sa Europa.

Pangulong Duterte mainit na tinanggap ng mga Pinoy sa Israel

Damang–dama ni Pangulong Rodrigo Duterte ang mainit na pagtanggap ng mga Pilipino sa Israel.

Sa pagharap ng Pangulo sa may 1,400 Pinoy sa Ramada Hotel sa Jerusalem, inamin ng Pangulo na napaluha siya dahil naramdaman niya ang pagmamahal ng mga Pinoy doon.

Dahil dito, tiniyak ng Pangulo na babalik siya sa Israel para muling bisitahin ang mga kababayan.

Tinatayang nasa 28,000 Pilipino ang naninirahan at nagtatrabaho sa Israel na karamihan ay mga caregivers.

Samantala, pinasalamatan naman ng Pangulo ang Israel sa mabuting pagtrato sa mga Pilipinong naninirahan at nagtatrabaho sa naturang bansa.—By Ralph Obina 

—-

Hinimok ng dalawang miyembro ng Senate Majority Bloc si Pangulong Rodrigo Duterte na mas tutukan na ang ekonomiya sa halip na ang giyera kontra droga.

Ito, ayon kina Senators Panfilo Lacson at JV Ejercito, ay bunsod ng patuloy na pagsirit ng presyo ng mga pangunahing bilihin tulad ng bigas, isda, karne at gulay.

Ipinunto ni Lacson na mahalagang matutukan ang kinakaharap na krisis lalo’t malapit na ito sa sikmura ng taumbayan.

Ang purpose ng pamahalaan nasobrahan sa anti-drugs. I would suggest na total parang mechanical na yan. Bayaan na siguro sa pulis at PDEA yung tungkol sa paglaban sa illegal na droga. Siguro ang Malacanang mag-focus naman sa mas mabigat na problema na nakikita natin, which is ang economy natin, kasi di bumubuti, sumasama eh. I think siyempre kung nasaan ang focus ng pangulo siyempre naroon lahat sa bureaucracy naroon ang kanilang pagtutuunan ng pansin. Pero kung pagtutuunan ng pansin ng pangulo sa susunod na buwan o taon ay ang ekonomya syempre doon magfo-focus ng karamihan sa buong bureaucracy. So if I may suggest unsolicited as it is kung pwede i-focus ng pangulo ang kanyang efforts ang galit sa nangyayaring di maganda at tungkol naman sa ating economy.

Nagtataka si Senador Lacson kung ano na ang kinahinatnan ng inaabangang executive order na magtatapyas sa zero tariffs sa  inaangkat na mga isda at gulay.

Nagtataka ako bakit hindi lumabas ‘yung executive order ‘yung sa rice tariffication… may probisyon sa konstitusyon dahil tax measure ‘yan hindi puwedeng magi-issue ng E.O ang Pangulo kung nasa session ang Kongreso.. ang pagkaalam namin noon kaya kami nag-break noon ay para makapag-issue ng E.O ang Presidente para matugunan ang problema sa bigas at mga bilihin. ‘Yung sa galunggong nga, bakit tayo mag-iimport sa China eh sagana tayo riyan.

Kinatigan naman ni Ejercito ang pahayag ng kapwa mambabatas at ipinuntong hindi dapat basta ipaubaya ni Pangulong Duterte sa mga economic manager dahil seryosong usapin ang ekonomiya.

Agree ako kay Sen. Lacson dahil siguro naman itong nakaraang dalawang taon naipakita na ng Pangulo ang pagiging seryoso sa war against drug at panahon na huwag pabayaan lang hayaan sa economic managers ang aspeto ng ekonomiya dahil yan ang ikinabubuhay ng ating kababayan. I would agree siguro ang suggestion ni Sen. Lacson si Pangulo naipakita na seriousness sa drugs, siguro hands on na siya sa nangyayari wag ipaubaya sa economic managers dahil mataas na nag inflation kailangan tayong kumilos, TRAIN 2.

Dapat na rin aniyang tutukan ang pagpapabilis sa implementasyon ng Build, Build, Build program na isa rin sa mga pangunahing plataporma ni Pangulong Duterte noong 2016 presidential campaign.

Ako naman po ay supportive naman sa Pangulo, ang parati kong kinukulit ‘yung massive infrastructure, modernization of airports, mga highways, railways system.. palagay ko iyan ang dapat nating mga i-fast track.

(Usapang Senado Interview)