Nanindigan si Defense Secretary Gilberto Teodoro Jr. na ipagpapatuloy niya ang pagtupad sa kanyang tungkulin sa kabila ng ipinataw na sanctions ng China laban sa kanya at sa kanyang pamilya.
Ayon kay Sec. Teodoro, hindi siya matitinag sa pagtatanggol sa interes ng Pilipinas at sa pagsasalita laban sa aniya’y panlilinlang ng Beijing.
Iginiit niyang patuloy niyang ipaglalaban ang bansa sa gitna ng mga isyu sa West Philippine Sea.
Kaugnay nito, tinuligsa ng Department of Foreign Affairs ang hakbang ng China at tinawag itong “unfriendly act” kung saan lalo lamang anya nitong pinapalala ang relasyon ng dalawang bansa sa gitna ng umiiral na tensyon sa West Philippine Sea.
Matatandaang ipinagbawal ng China ang pagpasok ni Sec. Teodoro at kanyang pamilya sa mainland China, Hong Kong, at Macau, gayundin ang anumang transaksiyon sa mga Chinese entity o pakikipag-ugnayan sa kanila.—sa panulat ni Reabelle Medina
