Iginiit ni Manila 3rd District Representative Joel Chua na dapat isailalim sa preventive suspension si Tab Baldwin at iba pang miyembro ng coaching at training staff ng Ateneo habang nagpapatuloy ang imbestigasyon sa pagkasawi ng dalawang student-athletes na sina Rene Baterbonia at Divine Adili matapos ang isang team-building sa Aurora.
Ayon kay Rep. Chua, tama lamang na alisin na sa tungkulin ang mga nasangkot sa insidente upang maprotektahan ang integridad ng imbestigasyon ng National Bureau of Investigation.
Binigyang-diin din ng mambabatas na dapat malinaw at malaman kung sino ang nag-apruba sa open-sea water training activity at kung nagsagawa ng sapat na risk assessment bago ito ikinasa.
Anya, kahit mapatunayang aksidente ang nangyari, kailangan pa ring may managot sa trahedya.—sa panulat ni Reabelle Medina
