Kinumpirma ng Malacañang na may mga rice retailer na pinaiimbestigahan dahil sa hindi pagsunod sa ipinatutupad na price cap sa bigas.
Ayon kay Palace Press Officer Undersecretary Claire Castro, nagpadala na ang Department of Agriculture ng mga abiso sa ilang establisimyento habang nagpapatuloy ang imbestigasyon.
Giit niya, mahalaga na masusing maimbestigahan ang mga insidente upang mapanagot ang mga mapapatunayang lumabag sa itinakdang presyo ng bigas.
Nanawagan ang Malacañang sa publiko na makiisa sa pagbabantay at agad na i-report sa mga kinauukulan ang anumang paglabag ng mga retailer, upang matiyak ang pagsunod sa price cap at maprotektahan ang mga mamimili.—sa panulat ni Reabelle Medina
