Tiniyak ng Malacañang na may sapat na pondo ang Commission on Elections para sa pagsasagawa ng special election sa ikaapat na distrito ng Cavite.
Ayon kay Palace Press Officer Undersecretary Claire Castro, nakipag-ugnayan na sila sa Department of Budget and Management kaugnay ng ulat na humihiling ang Comelec ng karagdagang pondo para sa halalan.
Samantala, sinabi ng DBM na mayroon pang magagamit na pondo ang Comelec para sa nakatakdang eleksyon kaya’t hindi na kinakailangan ang dagdag na alokasyon mula sa pamahalaan.
Nakatakdang idaos ang special election sa August 29 para punan ang nabakanteng pwesto sa ikaapat na distrito ng Cavite matapos mabakante ang posisyon ni dating Cong. Kiko Barzaga.—sa panulat ni Reabelle Medina
