Ipinauubaya na ng Malacañang kay Pangulong Ferdinand Marcos Jr. ang desisyon kung palalawigin pa ang umiiral na price cap sa bigas sa bansa.
Ayon kay Palace Press Officer Undersecretary Claire Castro, ang Pangulo ang magbibigay ng pinal na desisyon kaugnay ng rekomendasyon ng Department of Agriculture na i-extend ang price cap, upang mapanatiling abot-kaya ang presyo ng bigas para sa mga mamimili.
Samantala, isasailalim muna sa pagsusuri ng National Price Coordinating Council ang mungkahi ng DA bago ito aprubahan.
Anya, kapag nakatanggap ng positibong rekomendasyon mula sa NPCC, saka pa lamang ito isusumite kay Pangulong Marcos para sa kanyang pinal na pasya.—sa panulat ni Reabelle Medina
