Tinapos na sa plenaryo ng Kamara ang pagtalakay sa panukalang budget ng Office of the Vice President para sa taong 2027.
Ayon kay House Appropriations Vice Chairperson Rep. Jose Alvarez, ang budget sponsor ng OVP… nakapagtanong na ang minorya noong committee hearings kaya napakiusapan na silang huwag nang magtanong sa plenaryo.
Paliwanag ni Alvarez, mas mababa rin ang panukalang budget ng OVP kaya bilang kortesiya ay mas mabilis itong tinapos.
Nabatid na P785.204 million ang panukalang pondo ng OVP para sa susunod na taon, o 11.7 percent na mas mababa sa kasalukuyang P889.236 million na budget ng OVP.
Nilinaw naman ni Alvarez na si Asec. Lemuel Ortonio ang humarap para sa OVP dahil may sakit si Chief of Staff Zuleika Lopez.
