Lusot na sa Bicameral Conference Committee ang panukalang i-regulate ang industriya ng Liquified Petroleum Gas (LPG).
Ayon kay Senate Committee on Energy Chairman Senator Sherwin Gatchalian, ito’y matapos tanggapin ng mga kinatawan ng kamara ang inilatag nilang bersyon.
Sa ilalim ng Senate Bill 1955, hihigpitan nito ang importasyon, pamamahagi at pagbebenta ng mga LPG na ginagamit sa pagluluto gayundin ang ikinakarga sa mga sasakyan.
Nakasaad din dito na hindi na maaaring gamiting muli ang mga depektibong tangke ng LPG na siyang nagiging kadalasang sanhi ng sunog at aksidente.