HOT STORIES OF THE WEEK

(2nd update)

Idineklara na ng Department of Health o DOH ang measles outbreak sa National Capital Region at Central Luzon.

Kinumpirma ni Health Secretary Francisco Duque III na umakyat na sa 169 ang kaso ng tigdas  sa Metro Manila simula Enero hanggang kahapon, Pebrero 6 kumpara sa 26 na kaso sa kaparehong panahon noong isang taon.

Simula Enero, 55 na ang namatay sa tigdas sa San Lazaro Hospital sa Maynila pa lamang at karamihan sa kanila ay batang edad tatlong buwan hanggang apat na taon.

Ayon kay Health Secretary Francisco Duque, umabot na sa 248 bata ang ginagamot sa nabanggit na ospital.

Sumampa naman sa 442 ang measles cases sa Central Luzon simula Enero hanggang Pebrero 2.

—-

Naging mapayapa ang pagbubukas ng ikalawang araw ng plebisito kaugnay sa Bangsamoro Organic Law o BOL ngayong araw na ito.

Ayon ito kay Commission on Elections (Comelec) Spokesman James Jimenez sa kabila nang pagsabog sa Lanao del Norte kagabi.

Sinabi ni Jimenez na mayorya ng mga polling precincts ay nakapagbukas sa tamang oras at pawang senior citizens ang maagang pumila para bumoto.

Malalaman na aniya sa susunod na apat na araw ang resulta ng nasabing plebisito.

Kasabay nito, inihayag ni Jimenez na inaalam pa kung may kaugnayan sa karahasan sa eleksyon ang mga narekober na baril sa isang alkalde sa Pantar, North Cotabato, bagamat malinaw na paglabag ito sa election gun ban.

Voters are reminded to write either “Yes” or “No” or any equivalent in their local language/dialect in Dilangalen Central Elementary School, Midsayap, North Cotabato. They are voting for the inclusion of their area in the BARMM in the #BangsamoroPlebiscite. pic.twitter.com/YoJHnMpJfd

— COMELEC (@COMELEC) February 5, 2019

Women and Senior Citizens are among the early voters in Midsayap Pilot Elementary School, Midsayap, North Cotabato for the #BangsamoroPlebiscite. pic.twitter.com/yGkNLtKjcB

— COMELEC (@COMELEC) February 5, 2019

Transition Authority

Nakalinya na ang bubuo sa walumpung (80) miyembro ng Bangsamoro Transition Authority (BTA).

Ang nasabing listahan, ayon kay Office of the Presidential Adviser on the Peace Process o OPAPP Secretary Carlito Galvez ay isusumite niya sa Pangulong Rodrigo Duterte sa buwang ito.

Tumanggi pa si Galvez na tukuyin ang mga miyembro ng BTA na kung aaprubahan ng Pangulo ay kaagad namang papanumpain sa puwesto.

Ang mabubuong BTA ang senayles na uusad na ang pagtatatag ng Bangsamoro Autonomous Region in Mulim Mindanao (BARMM) para sa ganap na pagpapatupad ng Bangsamoro Organic Law.

—-

Hiniling ni Senador Panfilo Lacson kay Pangulong Rodrigo Duterte na i-veto na ang sinasabing “pork” na nakapaloob umano sa 3.757 trillion peso proposed 2019 national budget.

Ayon kay Lacson, ang pag-veto sa pork barrel ang magiging patunay na malakas ang political will ni Pangulong Duterte.

Kung ipinakita aniya ng Pangulo ang malakas na political will nito sa mga kontrobersyal na issue sa nakalipas na taon ay maaari rin niya itong gawin sa pambansang pondo na siningitan ng mga kongresista ng pork barrel.

Gayunman, inihayag ni Executive Secretary Salvador Medialdea bilang tugon kay Lacson na huwag pangunahan ang Punong Ehekutibo anuman ang magiging hakbang nito.

—-

Haharangin ng Department of Environment and Natural Resources o DENR ang anumang reclamation projects sa Manila Bay na posibleng makahadlang sa rehabilitasyon nito.

Ito ang naging pahayag ni DENR Undersecretary Benny Antiporda matapos mapaulat na kaya nililinis ang Manila Bay ay para bigyang daan ang reclamation.

Iginiit din ni Antiporda na wala pang iniisyu na anumang approval ng kahit anong reclamation projects sa Manila Bay si Secretary Roy Cimatu.

Hindi rin aniya makakalusot ang anumang reclamation projects hanggat wala itong clearance at environmental compliance certificate mula sa DENR.

Ikinalugod ng Malakanyang ang pagbagal sa paggalaw ng presyo ng mga bilihin at serbisyo nitong Enero.

Ito ay matapos maitala ng Philippine Statistics Authority (PSA) ang 4.4 percent inflation rate noong nakaraang buwan.

The Philippine’s annual headline inflation at the beginning of 2019 continued to move at a slower pace of 4.4 percent. This is the lowest annual rate since April 2018. #PHPCPI #Inflation

— @PSAgovph (@PSAgovph) February 5, 2019

Ayon kay Presidential Spokesperson Salvador Panelo, patunay itong nananatiling nakatuon at matatag ang pamahalaan para matugunan ang mga pangunahing kondisyon na nakaapekto sa inflation ng bansa.

Ito aniya ay sa kabila ng mga pagsubok na naranasan ng bansa noong nakaraang taon.

Tiniyak naman ni Panelo na magpapatuloy pa rin ang pamahalaan sa pagmonitor ng presyo ng mga pangunahing bilihin habang tinutugunan ang problema sa kahirapan at kagutuman sa bansa.

(with report from Jopel Pelenio)