HOT STORIES OF THE WEEK

Natanggap na ng COMELEC ang unang COC o Certificate of Canvass para sa ikalawang bahagi ng plebisito kaugnay sa Bangsamoro Organic Law nitong nakalipas na Pebrero 6.

Sinabi ni Administrative Aide 4 Jaime Salonga ng reception and custody group na dumating ang COC na naglalaman ng resulta ng plebisito mag a alas 4:00pm kahapon at mula sa Tulunan at Carmen sa lalawigan ng North Cotabato.

Magugunitang itinakda na sa Lunes, February 11 ng National Plebiscite Board of Canvassers ang kanilang pag convene para sa gagawing canvassing.

Hindi dapat magsisihan sa gitna ng problema sa tumataas na kaso ng tigdas.

Payo ito ni Senate Blue Ribbon Committee Chair Richard Gordon kina Health Secretary Francisco Duque III at PAO Chief Atty Persida Rueda-Acosta na ang bangayan aniya sa isyu ng dengvaxia ay hindi nakakatulong sa problema sa measles outbreak.

Sinabi ni Gordon na dapat magtulungan muna para maresolba ang outbreak ng tigdas at kasuhan na lamang kung may sapat na ebidensya sa mga nagpabaya sa isyu naman ng dengvaxia.

Una nang binanatan ni Duque ang grupo ni Acosta na nagpakalat aniya ng hindi beripikadong impormasyon na may namatay sa dengue vaccine kaya’t maraming magulang na ang natakot pabakunahan ang kanilang mga anak.

Lusot na sa bicameral conference committee ang P3.7 trillion na panukalang national budget para sa taong ito.

2019 Budget inaprubahan na ng Bicameral Conference Committee.Nakatakda naman itong i-ratify ng Kongreso at Senado mamaya @dwiz882 pic.twitter.com/Ltf8kYSTMN

— JILL RESONTOC – DWIZ -882 AM radio (@JILLRESONTOC) February 8, 2019

Sa ginawang bicam sa Camp Aguinaldo, nilagdaan ng mga miyembrong kongresista at senador ang committee report maliban kay Senate Minority Leader Franklin Drilon samantalang absent naman si Senador Panfilo Lacson na inaasahang tututol din sa report.

Naniniwala sina Drilon at Lacson na nakapaloob pa rin sa bicam report ang mga kinu kuwestyong pork insertions.

Sa kaniyang opening speech, sinabi ni Senate appropriations committee chair Loren Legarda na ang panukalang 2019 national budget ay pro poor, pro development at pro Filipino.

Kaugnay nito, tiniyak ng Malakanyang ang mahigpit na pagbusisi sa bicam report ng 2019 national budget sa sandaling mapasakamay ito.

Ayon kay Secretary to the Cabinet Karlo Alexi Nograles, sisilipin ng Office of the President o OP ang bawat item ng final report ng bicam sa national budget at hindi malayong gamitin ng Pangulong Rodrigo Duterte ang veto power nito sa mga probisyon ng national budget na hindi umaayon sa batas kasama na ang mga hinihinalang pork barrel insertions ng mga mambabatas dahil ginawa na ito ng pangulo nuon.

Ayaw aniya ng pangulo na makuwestyon pa sa Korte Suprema ang national budget dahil sa lamang sa isyu ng pork barrel.

with report from Jill  Resontoc (Patrol 7)

Umakyat na sa 60 ang nasasawi dahil sa tigdas sa San Lazaro Hospital sa Maynila.

Ayon sa tagapagsalita ng San Lazaro Hospital na si Dr. Ferdie de Guzman, mula sa bilang na 57 nadagdagan ito ng tatlo kagabi.

Sinabi de Guzman na isa pang bata sa San Lazaro Hospital ang kritikal ngayon ang kondisyon.

Base sa huling datos, aabot na sa 257 ang kaso ng mga batang tinamaan ng tigdas na nasa San Lazaro Hospital.

Hindi dumalo sa pagdinig ng House Appropriations Committee si Budget Secretary Benjamin Diokno.

Sa kabila ito ng subpoena na ipinadala sa kanya ng komite para dumalo sa pagdinig at sagutin ang mga isyung may kinalaman sa di umano’y budget insertions sa panukalang 2019 national budget.

Sa kanyang liham kay House Speaker Gloria Arroyo, hiniling ni Diokno na itakda sa ibang araw ang pagdinig ng komite.

Sinabi ni Diokno na karapatan naman niya at ng iba pang opisyal ng Department of Budget na mabigyan ng proper notice at patas na pagdinig.

DBM Sec.Diokno no show sa hearing ng House Appro.Committee kahit may subpoena sa kanya @dwiz882pic.twitter.com/dOHd6DS1QJ

— JILL RESONTOC – DWIZ -882 AM radio (@JILLRESONTOC) February 8, 2019

Andaya nagsabi i-cite in contempt ng House https://t.co/H0hkMO4J2T Diokno dahil hindi dumalo sa hearing,pero hindi naman pinagbobotohan ng Committee ang banta @dwiz882

— JILL RESONTOC – DWIZ -882 AM radio (@JILLRESONTOC) February 8, 2019

Diokno, nag-alok umano ng pera sa mga kongresista upang manahimik sa isyu

Apatnapung bilyong piso (P40 billion) ang di umano’y alok ng kampo ni Budget Secretary Benjamin Diokno para matigil na ang pagkuwestyon sa di umano’y budget insertions sa panukalang budget.

Ibinunyag ito ni Cong. Rolando Andaya Jr, Chairman ng House Committee on Appropriations matapos mabigo si Diokno na dumalo sa pagdinig ng komite.

Ayon kay Andaya, isang kaibigan nila ni Diokno ang lumapit sa kanya at inalok ng apatnapung bilyong piso (P40 billion) para sa lahat ng kongresista para itigil na ang pagkalkal sa budget.

Sinabi ni Andaya na kukunin di umano ang pera sa savings noong 2018 na umabot sa siyamnapu’t pitong bilyong piso (P97 billion).

Ipinaliwanag ni Andaya na ito ang dahilan kaya’t hinihingi niya ang mga dokumentong may kinalaman sa 2017 at 2018 budget.

Nais aniya ng komite na malaman kung saan nagmula ang P209 billion na savings noong 2017 at ang P97 billion nitong 2018.

Una rito, nagpadala ng mensahe si Diokno hinggil sa hindi niya pagdalo sa hearing sa kabila ng ipinadala sa kanyang subpoena.

Ulat ni Jill Resontoc (Patrol 7)

Itinaas na ng Department of Health (DOH) ang measles alert sa buong bansa.

Ito ay kasunod ng deklarasyon ng DOH ng outbreak ng tigdas sa buong Metro Manila at Region 3.

Ayon kay Health Assistant Secretary Eric Tayag, inaasahan ang pagdami pa ng kaso ng tigdas kaya’t minabuti ng kagawaran na itaas ang alerto.

Kasabay nito, inanunsyo ng DOH na lumawak pa ang mga lugar na may outbreak ng tigdas.

Ayon kay Health Secretary Francisco Duque III, maliban sa Metro Manila, nakapagtala na rin ng pagtaas ng kaso ng tigdas sa ilan pang bahagi ng Luzon , Central at Eastern Visayas.

Dahil dito naki-usap si Duque sa mga magulang na huwag ipagkait sa kanilang mga anak ang bisa ng mga bakuna lalo’t nasa huli aniya ang pagsisisi.

Statistics

Mahigit limandaang (500) porsyento na ang itinaas ng kaso ng tigdas sa bansa.

Ayon kay Health Undersecretary Eric Domingo, siyamnapung (90) porsyento ng mga nagkaroon ng tigdas ang hindi nabakunahan.

Simula lamang nitong Enero 2019, nasa limampu’t lima (55) na ang nasawi sa San Lazaro Hospital dahil sa tigdas.

Sinabi ni Lazaro na ang mga nasawi ay may edad tatlong buwan hanggang apat na taon samantalang nasa limang taon pababa naman ang halos lahat ng naospital dahil sa tigdas.

—-