HOT STORIES OF THE WEEK

Iginiit ng Estados Uninos na walang karapatang ariin ng China ang mga lugar na tinukoy ng International Court of Arbitration na bahagi ng Philippine Exclusive Economic Zone (EEZ) at Continental Shelf.

Ito’y makaraang muntik nang magkagitgitan ang barko ng Philippine at Chinese Coast Guard sa pinag-aagawang Scarborough o Panatag Shoal, na bahagi ng West Philippine Sea (WPS).

Binigyang diin ni US Department of State Counselor Derek Chollet ang kahalagahan ng pagpapatuloy ng ugnayan at palitan ng impormasyon ng Pilipinas at Amerika bilang tugon sa panggigipit ng Tsina sa Pilipinas at iba pang claimants ng naturang karagatan.

Kinikilala anya ng US ang soberanya ng Pilipinas sa panatag o Bajo De Masinloc sa ilalim ng United Nations Convention on the Law of the Sea.

Bumisita ang nasabing US official sa Pilipinas bilang commitment ng Amerika sa obligasyon nito sa Philippine-US Mutual Defense Treaty.

Halos isa’t kalahating buwan bago ang May 9 Elections, patuloy ang pamamayapag ni dating senador Ferdinand “Bongbong” Marcos, Jr. sa pre-election surveys para sa mga presidentiable.

Sa January 10 to 26 survey ng Laylo Research sa 3,000 respondents, humakot si Marcos ng 64% voter approval rating, habang pangalawa si Vice President Leni Robredo, na mayroong 16%.

Ang voter preference rating ay mataas ng anim na puntos sa 58% na nakuha ni BBM noong November 2021.

Samantala, tabla naman sa ikatlong pwesto sina Senator Manny Pacquiao at Manila Mayor Francisco “Isko Moreno” Domagoso, na kapwa mayroong 6% habang 3%para kay Senador Ping Lacson.

Binatikos ni Pangulong Rodrigo Duterte ang paggamit ng mayayamang negosyante o taga-alta sociedad sa Party-List System upang mahalal sa Kamara De Representates.

Ayon kay Pangulong Duterte, inaabuso ng mga negosyante ang partylist system na kanilang ginagamit bilang “front” upang magkaroon ng impluwensya sa gobyerno para sa kanilang sariling interes.

Hindi dapat iboto ang ilang partylist group dahil ginagamit din anya ang ito ng komunistang grupo bilang front kaya’t hindi niya masisisi si National Task Force to End Local Communist Armed Conflict Spokesperson Lorraine Badoy sa akusasyon nito laban sa ilang makakaliwang grupo.

Isinisi naman ng pangulo sa saligang batas ang pamamayagpag ng mayayamang negosyante at komunistang grupo sa pamamagitan ng mga partylist group.

Nanindigan si Pangulong Rodrigo Duterte sa kanyang desisyon na ipagpatuloy ang operasyon ng online o E-Sabong.

Ito’y sa kabila ng mga panawagan na suspendihin ang operasyon nito dahil sa kaso ng mahigit 30 nawawalang sabungero at kaliwa’t kanang krimen na may kaugnayan sa online talpak.

Sa kanyang Talk to the People kahapon, aminado si Pangulong Duterte na malaking halaga ang ipinapasok ng E-Sabong sa kaban ng bayan.

Kailangan anya ng gobyerno ng pera upang matusutsan ang mga proyekto para sa mga mamamayan lalo’t hindi pa rin natatapos ang COVID-19 pandemic.

Inaasahang i-eendorso na ni Pangulong Rodrigo Duterte ang mga kandidato ng PDP-Laban Cusi Faction sa isasagawang campaign rally ng partido sa Lapu-Lapu City, Cebu, bukas.

Sakaling matuloy, ang Cebu, na vote-rich province, ang magiging una sa dalawampung lugar na bibisitahin ni Pangulong Duterte upang suportahan ang kanyang mga kaalyado na kuma-kandidato sa iba’t ibang posisyon.

Ayon kay PDP-Laban Secretary-General at Cabinet Secretary Melvin Matibag, magiging prayoridad sa pagbisita sa Cebu ng pangulo ang proyekto ng Anti-Insurgency Task Force ng gobyerno.

Gayunman, wala pang katiyakan kung i-eendorso na ng punong ehekutibo sina presidential aspirant at dating senador Bongbong Marcos maging ang running mate nitong si Davao City Mayor Sara Duterte-Carpio.

Aminado si Matibag na ayaw niyang pangunahan ang magiging pasya ni Pangulong Duterte.

Si Duterte ang Chairman ng PDP-Laban Faction na pinangungunahan ni Energy Secretary Alfonso Cusi.

Itinanggi ng Pulse Asia na nagmula sa kanila ang March 10 to 15 presidential preference survey results na kumakalat sa social media.

Ayon sa Pulse Asia, naglalabas lamang sila ng resulta ng survey sa pamamagitan ng Pulse Asia Research Website.

Isinagawa ng Pulse Asia ang latest presidential preference survey noong Pebrero a–18 hanggang a–23.

Ini-release naman ang resulta nito noong Marso a–14.

Apatnapung araw bago ang Halalan 2022, nanguna si Antique Lone District Representative at dating senador Loren Legarda sa pinaka-bagong senatorial preference survey ng OCTA Research Group.

Nakakuha ng 69% si Legarda sa nationwide survey noong March 5 hanggang 10, na sinundan ni dating DPWH Secretary Mark Villar, 66%;

Re-electionist Senator Migz Zubiri, 65%; Sorsogon Governor Chiz Escudero, 63%; Broadcaster Raffy Tulfo, 62%; dating house speaker Alan Peter Cayetano, 55%;

Kapwa may 44% naman sina dating senador JV Ejercito, na nasa ika-pitong pwesto at aktor na si Robin Padilla, dating vice president Jojo Binay at Re-Electionist Senator Win Gatchalian na kapwa may 39%;

Dating senador Jinggoy Estrada, 37% habang bubuo sa magic 12 si re-electionist Senator Joel Villanueva, na mayroong 33%.

Nasa 13^th place naman sina Re-Electionist Senator Risa Hontiveros, dating Quezon City Mayor Herbert Bautista, dating DICT Secretary Gringo Honasan, dating Defense Secretary Gibo Teodoro, dating Presidential Spokesman Harry Roque at Re-Electionist Senator Dick Gordon.

Nakahanda ang Overseas Workers Welfare Administration (OWWA) na tulungang makauwi sa Pilipinas ang mga overseas filipino workers sa Shanghai, China, sa gitna ng ipinatutupad na lockdown doon bunsod ng covid-19 surge.

Ayon kay OWWA Administrator Hans Cacdac, nakikipagtulungan na sila sa konsulado sa Shanghai sa pamamagitan ng Department of Foreign Affairs (DFA) at Philippine Overseas Labor Office (POLO) sa Hong Kong.

Sa ngayon aniya wala pa silang natatanggap na ulat hinggil sa mga pinoy na nagpositibo sa covid-19 sa Shanghai.

Sinabi pa ni Cacdac na ilang Filipino musicians doon ang pansamantalang nawalan ng trabaho dahil sa pinaiiral na lockdowns.

Tiniyak naman ng OWWA na tutulungan nila ang mga apektadong OFWs.

Kinumpirma ni Pilar, Abra Mayor Mark Somera ang pagkasawi ng isang taga suporta ni Vice Mayor Josefina Disono.

Ito’y matapos maipit sa engkwentro sa pagitan ng mga Pulis at ng  mga tauhan ng bise Alkalde kaninang umaga na umabot pa sa habulan.

Ayon kay Somera, papasok na umano sa Munisipyo ang convoy ni Disono galing sa isang aktibidad nang paulanan ng bala ng mga Pulis na nakahimpil sa inilatag nilang checkpoint sa Brgy. Poblacion.

Pero batay naman sa ulat ng Pilar Municipal Police Station, sa halip na huminto ay kumaripas pa ang sasakyan ng Bise Alkalde sa checkpoint ng Pulisya kaya ito pinaputukan.

Hinabol ng mga Pulis ang sasakyan ni Dinoso na nakipag palitan din ng putok sa mga awtoridad hanggang sa dumating na sila sa bahay ng Bise Alkalde.

Bagaman may kaniya-kaniyang bersyon ang magkabilang panig gayundin ng akusasyon ay kasalukuyan nang naka kordon ang bahay ni Disono habang nagpapatuloy ang imbestigasyon.

Hindi napakinabangan ang halos 2.3 million doses ng bakuna kontra COVID-19.

Sa tala ng National Vaccination Operations Centre (NVOC), nasa 75% o 1.7 million doses ang lumagpas na sa expiration date.

Gayuman, binigyang-diin ng NVOC na ang mga naturang bakuna ay bahagi ng mga napalawig ng manufacturer ang shelf life kung kaya’t maari pa itong magamit.

Samantala, nagpapatuloy pa ang inbentaryo ng NVOC sa mga nasabing bakuna.—sa panulat ni Mara Valle