Nakahanda nang magpatupad ng warrant of arrest ang Criminal Investigation and Detection Group sakaling maglabas ng order ang Sandiganbayan laban kay Senador Rodante Marcoleta, kaugnay ng nakatakdang pagsasampa ng kasong plunder ng Office of the Ombudsman.
Ayon kay CIDG-NCR Chief Colonel John Guiagui, wala pa silang natatanggap na warrant sa ngayon, ngunit handa ang buong Philippine National Police na agad itong ipatupad alinsunod sa itinakdang proseso ng batas.
Bukod dito, nasa preliminary investigation na rin ang reklamo laban kina Tarlac Third District Representative Noel Rivera at Uswag Ilonggo Party-list Representative Jojo Ang, dahil sa umano’y conflict of interest kaugnay ng pagkakasangkot sa mga construction firm na nakakuha ng mga proyekto ng pamahalaan. | Sa panulat ni Reabelle Medina
