Inihayag ng United Nations Children’s Fund (UNICEF) na nasa isang milyong kabataan ang hindi pa rin nakakatanggap ng vaccine doses sa kanilang pagkabata kabilang na ang mga bakunang magpapalakas sa immune system para labanan ang sakit na Polio, Tigdas, at Tuberculosis.
Ayon sa UNICEF, mahalaga ang bakuna dahil maiiwasan nito ang mabilis na pagkahawa mula sa ibat-ibang uri ng sakit.
Sinabi ng naturang organisasyon na nalalampasan ng mga kabataan ang mga inilaang oportunidad na nagreresulta ng malaking hamon sa gobyerno partikular na ang pagkaantala at mababang demand sa serbisyo dulot narin ng COVID-19 pandemic.
Dagdag pa ng UNICEF na ang pagbagsak ng immunization rate ng mga bata ay posible ding magresulta sa pagtaas ng bilang ng mga nagkakaroon ng ibat-ibang uri ng sakit.
Iginiit ng grupo, na para maiwasan ang naturang mga sakit, dapat agarang aksiyonan at ituring bilang isang public health emergency ang pagbabakuna sa pagkabata.