Binatikos ng beteranong labor leader na si Ka Leody De Guzman ang lokal na pamahalaan ng Lungsod ng Maynila matapos itong magpamigay ng libreng pagkain sa mga kasapi ng Iglesia ni Cristo sa ikatlo at huling araw ng kilos-protesta nito sa Liwasang Bonifacio.
Nabatid na nagpakalat ng food assistance, sanitation team, at emergency response unit ang Manila LGU upang tiyakin na mapanatili ang kaayusan ng pagtitipon at tugunan umano ang pangangailangan ng mga raliyista.
Ayon kay De Guzman, sa limang dekada ng kanyang pakikibaka, hindi pa niya nararanasang tumanggap ng lugaw mula sa anumang lokal na pamahalaan.
Tinawag din ni Ka Leody na “special treatment” ang napansin niyang pagkilos ng Manila LGU upang paglingkuran ang mga raliyista. | Sa panulat ni Anjo Riñon
