Sinabi ng Department of Justice (DOJ) nitong Huwebes, Hulyo 2, sa kanilang briefing na patuloy ang case build-up laban sa mga indibidwal na umano’y tumulong sa pag-iwas sa pag-aresto kay Senador Ronald “Bato” Dela Rosa matapos itong humarap sa sesyon ng Senado noong Mayo 13, 2026.
Ayon sa DOJ, maaaring muling isampa ng Philippine National Police (PNP) ang kasong obstruction of justice laban kay Sen. Robin Padilla kaugnay ng umano’y pagtulong kay Dela Rosa na makaiwas sa arrest warrant na inilabas ng International Criminal Court (ICC).
Sinabi ni Justice Undersecretary Ian Norman E. Dato na nagsagawa ng ocular inspection ang panel of prosecutors sa Senado noong Hunyo 30, 2026, at humiling na rin ng mga dokumento, kabilang ang CCTV footage at iba pang ebidensiyang kailangan sa imbestigasyon.
Nilinaw rin ng DOJ na hindi pa muling naisusumite ng PNP-Criminal Investigation and Detection Group (CIDG) ang reklamong obstruction of justice laban sa mga sangkot.
Ayon kay Usec. Dato, ibinalik ang reklamo sa CIDG alinsunod sa Department Circular No. 20 upang tiyaking mas matibay ang kaso bago ito muling ihain.
