Isang 43 taong gulang na security guard na na-trap sa isang gumuhong shopping center sa La Guaira, Venezuela ang nailigtas ng buhay ng mga rescuer matapos ugain ng dalawang magkasunod na malalakas na lindol.
Kinilala ng mga otoridad ang nailigtas na gwardiya na si Hernan Alberto Gil, na ikinatuwa ng mga sibilyan at rescuer na patuloy na naghahanap ng mga survivor sa mga gumuhong gusali sa naturang bansa.
Nauna nang nahanap kung saan na-trap ang guwardiya, na nataong nagtatrabaho ng night shift noong tumama ang lindol.
Maituturing na maliit na milagro ang pagligtas kay Gil matapos sumirit sa mahigit 2,000 katao ang namatay, habang hindi bababa sa 11,000 ang nasugatan. | Sa panulat ni Anjo Riñon
