Kumpiyansa ang kampo ni Vice President Sara Duterte na mapapawalang-sala siya sa nalalapit na impeachment trial sa Senado sa Lunes, July 6.
Ayon kay Atty. Michael Poa, spokesman ng legal team ni VP Sara, handa silang ipagtanggol ang bise presidente laban sa mga paratang gaya ng sinasabing maling paggamit ng pondo, hindi maipaliwanag na yaman, at grave threats.
Aniya, layunin ng kanilang depensa na maiharap ang matibay na ebidensya, upang makapagpasya nang patas ang mga senator-judges.
Giit ni Atty. Poa, nananatili pa rin ang kanilang tiwala sa pagiging patas ng mga senador sa kabila ng posibilidad na maimpluwensyahan ng opinyon ng publiko ang paglilitis.
Samantala, inaprubahan na ng impeachment court ang siyamnapu’t dalawang araw na iskedyul ng nalalapit na impeachment trial. | Sa panulat ni Reabelle Medina
