Inihayag ng Department of Foreign Affairs (DFA) na itatayo sa isang parke sa Alberta, Canada ang rebulto ng pambansang bayaning si Jose Rizal.
Ilalagay sa Nose Creek Regional Park sa Airdrie ang tatlong talampakang bust ni Rizal na gawa ng Pinoy sculptor na si Toym Imao.
Ayon kay Philippine Consul General Zaldy Patron, ang monumento ay bilang pagkilala sa mga masisipag na Pilipino sa Alberta.
Inaasahang makukumpleto ang monumento ni Rizal sa Oktubre. — sa panulat ni Hyacinth Ludivico.
