Walang sinomang miyembro ng House Prosecution Panel ang nagpapa-cute sa impeachment trial ni Vice President Sara Duterte.
Reaksyon ito ng prosecution matapos tahasang sabihin ni Senator-Judge Raffy Tulfo na may mga kinuha ang prosecution na nagpapa-cute lamang sa witness na pulis.
Sa press conference, hinikayat ni House Prosecutor Terry Ridon si Sen. Tulfo na mas makabubuting pangalanan nito kung sino ang prosecutor na nagpapa-cute.
Binigyang-diin ni Ridon na humarap ang prosecution sa impeachment trial para gampanan ang kanilang tungkulin at patunayan ang mga nilalaman ng Articles of Impeachment laban kay VP Sara.
Nagbiro pa si Ridon na kung mayroon mang miyembro ng prosecution na cute, ito ay walang iba kundi si Atty. Lorna Kapunan.
Paliwanag pa ni Ridon, nakatutok sila sa impeachment case at proud sila sa lahat ng prosecutors. | Sa panulat ni Geli Mendez
