Nagulat ang defense team ni Vice President Sara Duterte sa desisyon ng prosecution na bawiin ang pagharap kay dating Senador Antonio Trillanes the Fourth bilang testigo sa impeachment trial.
Ayon kay Defense Counsel Spokesperson Michael Poa, hindi nila inaasahan na tatanggalin si Trillanes bilang witness pero iginagalang nila ang desisyon ng kabilang panig.
Anya, wala na rin sa hurisdiksyon nila na alamin ang dahilan kung bakit umatras ang dating senador.
Samantala, sinabi ni Counsel for Prosecution Lorna Kapunan na personal na nagpasiya si Trillanes na umurong sa kaso.
Sa kabila nito, wala anyang impormasyon si Attorney Kapunan tungkol sa mga dahilan ng pag-atras ng dating mambabatas. | Sa panulat ni Reianne Antiquina
