Arestado ang dalawang suspek na akusado sa tangkang pag-kidnap sa isang 15-anyos na High-school student sa Las Piñas City.
Ayon sa Philippine National Police, kinilala ang naaresto na sina George Caragdag, 46-anyos at Leonard Alfaro, 33- anyos.
Isinagawa ang pag-aresto matapos i-report sa mga otoridad ng isang witness ang kidnapping incident.
Nakumpiska rin ang ilang armas kay Caragdag tulad ng baril at kitchen knife.
Lumabas naman sa imbestigasyon na may pending pang kaso si Alfaro.
Sa ngayon, inihahanda na ang mga kasong isasampa laban sa mga suspek.
