Home NEWS Libreng access sa AI tools, hatid ng isang telco sa milyon-milyong Pilipino ngayong Pasko

Senado, dapat magsilbing “safe spaces” para sa mga senior at kababaihan, ayon sa prosecution

by DWIZ 882 October 2, 2026 0 comment
HOUSE PROSECUTIONS0

Naniniwala ang House Prosecution Panel na ang Senado ay isang “safe space” para sa mga kababaihan at senior citizens.

Kasunod ito ng umano’y “nagpapa-cute” remark ni Senator-Judge Raffy Tulfo nang punahin ang paraan ng pagtatanong at presentasyon ng mga ebidensya at testigo ng ilang miyembro ng House Prosecution Panel sa impeachment trial ni Vice President Sara Duterte.

Ayon kay Private Prosecutor Atty. Lorna Kapunan, kailangang paalalahanan ang Senado na sila mismo ang nagpasa ng “Safe Spaces Act” o ang “Bawal Bastos Law” na pinamumunuan ni Senator Risa Hontiveros.

Inihalimbawa ni Kapunan ang kanyang sarili bilang isang senior citizen kung saan, may hindi umano kilalang personalidad ang “pinasaringan” siya na dapat mag-retired na bilang abogado.

Para kay Kapunan, ang pahayag ni Senator-Judge Tulfo ay maituturing na “misstatement” at dapat manaig ang respeto sa loob ng impeachment court.

Binigyang-diin naman ni House Lead Prosecutor Gerville Luistro na nagdodoble kayod sa trabaho ang lahat ng miyembro ng prosecution para maiprisinta nang maayos ang kanilang mga ebidensya at testigo.

Bagama’t nirerespeto nila ang pananaw ng mga senator-judge, umaasa si Luistro na sana’y husgahan sila hindi base sa minor, nonsense, at totally irrelevant observations. | Sa panulat ni Geli Mendez

Comments

comments

You may also like

Leave a Comment