Pinagpapaliwanag ng Department of Justice (DOJ) – State Prosecutors sina Philippine Charity Sweepstakes Office (PCSO) Board Member Sandra Cam, anak nitong lalaki at anim na iba.
Kaugnay ito sa kaso ng pagpatay kay Batuan Masbate Vice Mayor Charlie Yuson III noong nakaraang taon.
Sa ipinalabas na kautusan ng panel of investigating prosecutors, pinahaharap sa DOJ sina Cam, anak nitong si Marco Martin Cam, Nelson Cambaya, Junel Gomez, Bradford Solis, Juanito De Luna at Rigor Dela Cruz sa ika-9 at ika-16 ng Marso.
Pinasusumite rin ng state prosecutors ang kanilang kontra salaysay sa kaso.
Ika-9 ng Oktubre noong nakaraang taon nang pagbabarilin si Yuson habang nag-aalmusal sa isang kainan sa Sampaloc, Manila.
Iniuugnay naman ang krimen sa away politika dahil nakaharap ni Marco, anak ni Cam, sa mayoralty race ang anak ni Yuson at kasalukuyang alkalde ng Batuan, Masbate na si Charmax.
