HOT STORIES OF THE WEEK

Aabot sa 623.2 million pesos ang ginastos ni President-Elect Bongbong Marcos sa kampanya para sa May 2022 Elections.

Naghain si Marcos ng Statement of Contributions and Expenditures (SOCE) sa COMELEC, sa pamamagitan ng kanyang legal counsel.

Noon namang lunes ay idineklara ng Partido Federal ng Pilipinas, na political party ni Marcos, na umabot sa 272 million pesos ang nagastos nito sa katatapos lamang na halalan.

Inihayag ni Atty. Rico Alday ng PFP na ang nasabing halaga ay gastos lamang ng political party at malaking bahagi nito ay inilaan para sa television advertisements.

Mula anya sa 272 million pesos ay naglaan din anya ang partido ng malaking halaga para sa gastos naman sa mga rally.

Wala pang anumang plano para sa posibleng pagpapalawig sa deadline ng pagsusumite ng Statements of Contributions and Expenditures (SOCE) ng mga 2022 National and Local Elections candidates.

Ito ang nilinaw ni Acting COMELEC Spokesman John Rex Laudiangco sa kabila ng deadline ngayong araw.

Hanggang kahapon, anim na presidential candidates, apat na senatorial candidates, tatlong political parties at 34 na party-list groups pa lamang ang naghain ng kanilang SOCE.

Sa 10 presidential candidates, sina Senator Panfilo Lacson, Dr. Jose Montemayor, President-Elect Bongbong Marcos;

Vice President Leni Robredo, Senador Manny Pacquiao at Manila Mayor Isko Moreno ang nagsumite na ng kanilang SOCE hanggang kahapon.

Nakapagsumite na rin si vice presidential candidate, Dr. Willie Ong.

Samantala, sina dating PNP Chief, Gen. Guillermo Eleazar, dating Senator Antonio Trillanes, IV, Atty. Chel Diokno at Senator-Elect Jinggoy Estrada pa lamang ang naghain mula sa 64 na senatorial candidates.

Kabilang naman sa mga political party na nag-file na ng SOCE ang Unido, Partido Federal ng Pilipinas at Pwersa ng Masang Pilipino habang sa party-lists ay ang Abono, Senior Citizens, Anakpawis at Bayan Muna.

Pansamantala munang itinigil ng Philippine General Hospital (PGH) ang ilang mga medical o elective procedures na naka-schedule at hindi emergency.

Sa pahayag ni PGH spokesperson Dr. Jonas Del Rosario, ang paghinto sa nasabing operasyon ay bunsod ng pagdami ng mga pasyente sa kanilang Emergency Room (ER) kung saan, nagdagdag na sila ng 10 hanggang 15 beds para sa mga pasyente.

Ayon kay Del Rosario, nasa 70 lamang ang kapasidad sa kanilang ER pero umabot na ito sa 150.

Karamihan sa mga naa-admit ay mga hindi COVID-19 patients kundi ang mga nakakaranas ng Pneumonia, diabetes, sakit sa puso, baga at buto.

Sakop din nito ang mga naaksidente, mga may physical injury at mga trauma patients.

Sa ngayon, nagkasa na ang PGH ng Code Trial kung saan, tanging tinatanggap lamang ang mga LIFE o Limb Threatening Emergency.

Inihayag ni Chairperson at CEO Fernando Martinez ng Independent Philippine Petroleum Companies Association (IPPCA) na malaking tulong sa bansa ang pagkakaroon ng strategic storage ng langis.

Ayon kay Martinez, kung nasimulan lang sana ito noong mga nakaraang taon, hindi sana magkukulang ang suplay ng langis sa bansa.

Sinabi ni Martinez na nagkukumahog ngayon ang Pilipinas kung saan kukuha ng suplay ng langis dahil sa matinding tensiyon sa pandaigdigang pamilihan bunsod narin ng girian sa pagitan ng Russia at Ukraine.

Iginiit ni Martinez na dapat ay gamitin ng gobyerno ang nasa $10 hanggang $20 reserve upang makabili ng karagdagang imbak ng langis ang Pilipinas.

Iminungkahi din ni Martinez ang suspensiyon sa excise tax sa pag-angkat ng produktong petrolyo para mapigilan ang mataas na presyo nito kung saan, posible umanong umabot sa P100 ang presyo ng langis sa bansa.

Inihayag ng Department of Energy (DOE) na naghahanap na ng solusyon ang kanilang ahensya para matugunan ang problema sa mataas na presyo ng langis sa bansa.

Sa panayam ng DWIZ, sinabi ni Department of Energy (DOE) Undersecretary Gerardo Erguiza Jr. na humiling na sila sa mga kumpaniya ng langis na magbigay ng diskwento sa mga consumer.

Bukod pa diyan nagbigay nadin sila ng ayuda o fuel subsidy para sa mga mangingisda at magsasaka na apektado ng walang puknat na pagtaas sa presyo ng produktong petrolyo.

Sinabi pa ni Erguiza na inirekumenda na din nila sa kongreso na suspindehin ang Excise Tax sa petrolyo pero tinutulan  umano ito ng Department of Finance (DOF) dahil may posibilidad na makinabang pati ang mga mayayaman.

Samantala, iginiit naman ni Erguiza na sapat ang suplay ng kuryente sa bansa kaya walang dapat ikabahala ang publiko.

Bukod pa dito, malaking tulong din ang pagsama ng Bataan Nuclear Power Plant bilang pinagkukunan ng energy na makakatulong sa pagpapababa ng presyo sa kuryente dahil sa mataas na presyo ng langis.

Isa pang lola sa Taguig City ang nakatanggap ng P100-K bilang birthday cash gift sa kaniyang ika-100 kaarawan.

Kinilala ang maswerteng senior citizen na si Lola Maura, nakatira sa Barangay Bagumbayan.

Sa ilalim ng ordinansa sa lungsod, makatatanggap ng P3-K hanggang P10-K ang mga senior citizens depende sa kanilang edad.

Bukod pa rito ang libreng gamot sa diabetes, high blood at asthma; libreng nursing services sa kanilang tirahan; libreng wheelchairs, canes o tungkod, hearing aids at prescription glasses.

FOOD security, climate change, and renewable energy were among the topics discussed by President-elect Ferdinand ‘Bongbong’ Marcos with ambassadors from Spain, Morocco, and Germany during separate meetings on Tuesday morning.

Jorge Moragas, Ambassador of Spain to the Philippines, Ambassador Mohammed Rida El Fassi of Morocco, and German Ambassador Anke Reiffenstuel were received by Marcos separately during a series of meetings at the BBM headquarters in Mandaluyong.

In a press briefing after the private meeting with Marcos, Ambassador Reiffenstuel said that apart from enhancing cooperation between their two countries, they also discussed global challenges including food security and climate change.

“We exchanged (views) about the ongoing bilateral cooperation and the cooperation in the international frame in the multi-lateral formats, and discussed potentials for furthering cooperation not only on mutual interests but also to address global challenge like climate change,” the ambassador said.

The envoy added that she informed the incoming president about the ongoing programs of Germany to help the Philippines in addressing climate change including their Euro 25 million donation for climate change-related projects.

They likewise discussed the priority project of Marcos regarding food security.

“I informed him about the upcoming international ministerial conference on global food security, this is also against the background of the impact of the Russian war against Ukraine with regards to the challenges on global food security,” she noted.

Reiffenstuel also disclosed that they also tackled about the safeguarding of rule of law and the human rights.

“I also underlined the importance Germany attaches to the rule of law and safeguarding human rights, and of our continued commitment to the same,” she continued.

“In this context that I also mentioned, the (continuing) German support , contribution and funding of the United Nations joint program on human rights here in the Philippines,” she emphasized.

Reiffenstuel disclosed that they also focused their discussion on renewable energy which is also among Marcos’ campaign promise to provide lower power rates to the people.

“Renewable energies of course are of great importance to us, to Germany, and we exchanged about the experiences and the commitment and the distributions and the shares of renewable energies in our two countries’ power protections,” she added.

The ambassador noted that Marcos illustrated his early commitment to renewable energy by mentioning the wind farm in Ilocos Norte, and they agreed that there is a need to continue to deepen the discussions since this has been an area of mutual interest.

Last Monday, Marcos also met separately with ambassadors from Italy and different ASEAN countries during which they discussed expanded cooperation between the Philippines and their respective countries.

The ambassadors relayed congratulatory messages of their heads of state on his victory and affirmed their interest in improving bilateral and diplomatic relations with the Philippines.

Kasado na bukas ang second quarter ng Nationwide Simultaneous Earthquake Drill.

Pangungunahan ito ng National Disaster Risk Reduction and Management Council at ng Department of National Defense.

Sisimulan ang programa ganap na alas-8 ng umaga na mapapanood ng live sa NDRRMC at Civil Defense PH Facebook pages.

Ganap ding alas-9 isasagawa ang “Ceremonial Pressing of the Button” na hudyat upang isagawa ang “Duck Cover and Hold move” ng mga participant sa kani-kanilang kinaroroonan.

Inaanyayahan naman ang lahat na lumahok upang maging handa sa anumang oras laban sa banta ng lindol at iba pang panganib.