HEADLINES

Kopya ng bank at tax records ni VP Sara at kanyang mister, hawak na ng House prosecution

Hawak na ng House Prosecution Panel ang mga kopya ng bank at tax records ni Vice President Sara Duterte, kanyang asawang si Atty. Mans Carpio, at kanilang mga kumpanya.

Ayon kay House Prosecutor at Bicol Saro Party-list Rep. Terry Ridon, ibinigay ng Senate Impeachment Court ang mga dokumento matapos beripikahin ang mga isinumiteng record bilang tugon sa mga subpoena.

Noong Hulyo, anim na bangko ang nagsumite ng financial records na may kaugnayan kay Vice President Duterte at Carpio, habang naghatid din ang Bureau of Internal Revenue ng mga tax documents.

Sinusuri na ng prosecution team ang mga dokumento bilang paghahanda sa paglalahad ng ebidensya para sa Impeachment Article 2, na tumatalakay sa umano’y hindi maipaliwanag na yaman ng pangalawang pangulo.

Tiniyak ni Cong. Ridon na ihahambing ng prosecution ang naturang financial records sa SAL-N o Statements of Assets, Liabilities and Net Worth ng bise presidente, kabilang ang ideklarang kita at mga interes sa negosyo ng mag-asawang Duterte-Carpio.| Sa panulat ni Jordan Gutierrez

September 4, 2026 0 comment

HEADLINES

Ilang Senator-judge, nais ibaba ang 16-vote threshold sa impeachment trial ni VP Sara

written by DWIZ 882

Ibinunyag ni Senate Majority Leader Juan Miguel “Migz” Zubiri na may ilang senador ang pabor sa posibilidad na ibaba ang 16-vote threshold para sa impeachment trial ni Vice President Sara Duterte.

Ayon kay Senador Zubiri, muling napag-uusapan ang threshold dahil hindi na kumpleto ang mga senator-judge dahil may mga nakakulong at may isang senador na at large, kabilang sina Senators Jinggoy Estrada, Rodante Marcoleta, at Ronald “Bato” dela Rosa.

Dapat anyang pagdebatehan ng mga senador ang naturang issue at hingan ng pasya ang presiding officer, habang posible rin itong umabot sa Korte Suprema.

Nauna nang nilinaw ni Impeachment Presiding Officer Chiz Escudero na maaaring humingi ng judicial relief ang sinumang kumukwestyon sa 16-vote rule.

Matatandaan noong Hulyo a-sais, sa simula ng impeachment trial, tatlong senator-judge na ang hindi nakadalo, pero pinanatili ng Impeachment Court ang two-thirds vote, o 16 sa 24 na senador, para sa final ruling sa kaso ni Vice President Duterte. | Sa panulat ni Jordan Gutierrez

September 4, 2026 0 comment

HEADLINES HOT STORIES OF THE WEEK NATIONAL NEWS NEWS

Halos P8-B, kailangan para ayusin ang mga paaralang tinamaan ng Habagat at bagyo – DepEd

written by DWIZ 882

Aabot sa 7.78-billion pesos ang kailangan ng Department of Education para sa rehabilitasyon ng mahigit dalawang libong paaralang napinsala ng habagat at mga bagyo.

Sa datos ng Department of Education, nasa 11,167 na silid-aralan ang apektado sa buong bansa, kung saan 6,530 ang may kaunting pinsala, 2,389 ang may malaking pinsala at 2,248 ang nasira.

Ilalaan ang 5.62-billion pesos sa reconstruction ng halos limandaang lubos na napinsalang school sites, kabilang ang mahigit animnaraang paaralan sa Central Luzon.

Kailangan ng nasabing rehiyon ang 19.4-million pesos para sa paglilinis, 111.4-million pesos para sa minor repairs, habang 402.5-million pesos para sa major repairs at 2.37-billion pesos para sa reconstruction. | mula sa panulat ni Jordan Gutierrez

September 4, 2026 0 comment

HEADLINES

Big-time oil price hike, namumuro sa susunod na linggo dahil sa tumitinding digmaan ng U.S. at Iran

written by DWIZ 882

Namumuro na naman ang big-time price increase sa mga produktong petrolyo sa susunod na linggo dahil patuloy na pagtaas ng world oil prices bunsod ng tumitinding digmaan sa pagitan ng U.S. at Iran.

Batay sa unang tatlong trading days, tumaas na ng kwatro pesos-sesenta sentimos ang kada litro ng diesel; habang tres pesos-nobenta sentimos sa gasolina; at kwatro pesos-singkwenta sentimos sa kerosene o gaas.

Ayon kay Jetti Petroleum President Leo Bellas, inaasahang mananatiling mataas ang presyo ng langis sa natitirang dalawang araw na trading days.

Tinukoy na dahilan ng malakihang taas-presyo sa petrolyo ang sunod-sunod na paghina ng halaga ng piso kontra dolyar; gayundin ang mga pag-atake ng U.S. at Iran sa paligid ng Strait of Hormuz, na dinaraanan ng mga oil tanker. | Sa panulat ni Jordan Gutierrez

September 4, 2026 0 comment

HEADLINES NATIONAL NEWS

Unang Petroleum Reserve Facility ng Pilipinas, target gumana sa 2028

written by DWIZ 882

Target ng PNOC o Philippine National Oil Company na maging operational sa 2028 ang unang National Petroleum Reserve Facility ng bansa sa Bataan.

Ayon sa PNOC, humihingi na ito ng pondo at magsasagawa na ng site preparation ngayong taon, habang inaasahang maitatayo ang naturang pasilidad sa loob ng isa’t kalahating taon.

May paunang kapasidad na isang milyong bariles ang reserve facility, pero plano ng PNOC na palawakin ito sa labinlimang milyong bariles.

Kailangan ito dahil umaabot sa 450,000 hanggang 460,000 bariles bawat araw ang konsumo ng Pilipinas.

Nilinaw ng Department of Energy na wala pa sa ngayon ang Pilipinas na sariling National Petroleum Reserve at umaasa lamang sa minimum inventory ng mga pribadong kompanya sa oil industry. | mula sa panulat ni Jordan Gutierrez

September 4, 2026 0 comment

HEADLINES HOT STORIES OF THE WEEK NATIONAL NEWS

Matinding epekto ng Habagat, inaasahan sa ilang bahagi ng Luzon ayon sa PAGASA

written by DWIZ 882

Nagbabala ang PAGASA ng “severe” na epekto ng habagat sa ilang bahagi ng Luzon sa paparating na weekend.

Inaasahan ang malalakas at tuluy-tuloy na pag-ulan na maaaring magdulot ng pagbaha at malawakang pagkaantala sa pang-araw-araw na gawain.

Kabilang sa posibleng matinding maapektuhan ang Bataan, Pampanga at Zambales, gayundin ang ilang lugar sa Bulacan, Laguna, Nueva Ecija, Rizal at Tarlac.

Ayon sa PAGASA, “significant” naman ang inaasahang epekto sa Metro Manila at ilang bahagi ng Batangas, Bulacan, Nueva Ecija, Rizal at Tarlac.

Sa ngayon, patuloy naman ang ahensya sa pagpapaunlad ng impact-based forecast para sa baha, storm surge at landslide.

Samantala, asahan ang paminsan-minsang pag-ulan sa ilang lugar sa Northern at Central Luzon, habang makikita ang maulap na kalangitan, kalat-kalat na pag-ulan at pagkidlat-pagkulog sa Metro Manila at ilang karatig-lugar.

Habang sa Visayas, Luzon at Mindanao, posible naman ang hiwa-hiwalay na pag-ambon o pag-ulan at thunderstorms. | mula sa panulat ni Reabelle Medina

September 4, 2026 0 comment

HEADLINES HOT STORIES OF THE WEEK NATIONAL NEWS NEWS

Alternative learning modes, ipinatupad sa ilang lugar sa bansa bunsod ng Habagat at haze

written by DWIZ 882

Ipinatupad ang alternative learning modes at iba pang learning continuity measures sa ilang mga paaralan sa bansa at labinlima pang probinsya ngayong araw, September 4, bunsod ng habagat at haze mula sa matinding forest at peatland fires sa Indonesia.

Kabilang sa mga sakop ang National Capital Region, Ilocos Norte, Ilocos Sur, La Union, Pangasinan, Abra, Benguet, Zambales, Bataan, Bulacan, Tarlac, Pampanga, Cavite, Laguna, Batangas at Occidental Mindoro.

Mananatili ang mga alternative learning arrangements maliban kung maglabas ng sariling class suspension order ang local chief executives.

Samantala, maaari ring magpatupad ng localized cancellation o suspension ng klase sa ibang lugar ang kanilang mga local chief executives, depende sa lokal na sitwasyon.

Payo sa mga paaralan, mag-aaral at magulang na manatiling alerto at sundin ang mga abiso ng kanilang lokal na pamahalaan. | mula sa panulat ni Reabelle Medina

September 4, 2026 0 comment

HEADLINES NATIONAL NEWS NEWS

29 WILDLIFE, NAILIGTAS SA KAMAY NG ILLEGAL NA KALAKALAN SA DAVAO REGION

written by DWIZ 882

29 na wildlife ang nasagip sa magkakahiwalay na operasyon laban sa illegal na kalakalan ng hayop sa Davao Region mula Enero hanggang Agosto ngayong taon.

Ayon sa DENR-Davao Region, tinatayang nasa 71,350 pesos ang kabuuang halaga ng mga nasabing hayop.

Kabilang sa mga nasagip ang dalawang reticulated python, tatlong ball python, isang Madagascar ground boa, isang corn snake, apat na cockatiel, anim na African lovebirds, sampung parakeets, at dalawang African o sulcata o spurred tortoise.

Isinagawa ang mga operasyon ng DENR-CENRO Panabo sa koordinasyon ng PNP Maritime Group-Panabo.

Matapos ang pagkakasagip, inilipat ang mga hayop sa DENR Wildlife Facility o Wildlife Rescue Center sa Tagum City, Davao del Norte para sa kanilang pangangalaga.

Samantala, nagsampa na ng mga kasong kriminal laban sa mga suspek dahil sa paglabag sa Wildlife Resources Conservation and Protection Act. | mula sa panulat ni Reabelle Medina

September 4, 2026 0 comment

HEADLINES HOT STORIES OF THE WEEK NATIONAL NEWS

Pinsala ng habagat at bagyo sa bansa, pinaiimbestigahan na sa Senado

written by DWIZ 882

Pinaiimbestigahan na sa Senado ang sanhi at pinsalang naidulot ng mga nagdaang bagyo at patuloy na epekto ng habagat sa bansa.

Ayon kay Senate President Pro Tempore Tito Sotto III, layunin ng imbestigasyon na mapalakas ang disaster mitigation effort ng bansa sa panahon ng kalamidad.

May pangangailangan anya na masuri ang katatagan ng mga public infrastructure sa gitna ng matitinding bagyo at habagat na nanalasa sa bansa.

Sa Resolution No. 631 ni Senador Sotto, tinukoy ang sunod-sunod na bagyo at habagat nitong Agosto na nagdulot ng malawakang baha, suspensyon ng klase, pagka-stranded ng mga commuter, at pagsasara ng mga negosyo, na umabot sa 5.1-billion pesos ang pinsala.

Nangangamba rin ang senador sa report ng Department of Health na mahigit limang libo na ang kaso ng leptospirosis, habang mahigit tatlong daan na ang nasawi ngayong taon dahil sa nasabing sakit na dulot ng pagbaha dahil sa bagyo at habagat. | mula sa panulat ni Jordan Gutirrez

September 2, 2026 0 comment

HEADLINES HOT STORIES OF THE WEEK NATIONAL NEWS NEWS

Dating DPWH Secretary Bonoan, tanggal na bilang akusado sa flood control scandal

written by DWIZ 882

Pinagbigyan ng Sandiganbayan Fifth Division ang mosyon ng Ombudsman na alisin si dating Public Works Secretary Manuel Bonoan bilang akusado sa kasong kaugnay sa flood control scandal.

Ayon sa Ombudsman, layon nitong gawing state witness si Bonoan tungkol sa isyu.

Samantala, inilahad ni Bonoan sa Sandiganbayan Fourth Division, bilang testigo sa kaso ni dating Senador Ramon “Bong” Revilla Jr., na hinimok siya ni Pangulong Ferdinand Marcos Jr. na magsumite ng courtesy resignation dahil sa nasabing usapin.

Matatandaang kasama si Bonoan sa mga inakusahan tungkol sa umano’y 573-million-peso na halaga ng kickback kaugnay ng flood control scandal.

Dahil naman sa pagkakatanggal ng dating kalihim bilang akusado, inaasahan ng prosecution team sa naturang kaso na maghahain din ng motion for reconsideration ang mga kapwa-akusado nito, tulad nina Senador Jinggoy Estrada, at mga opisyal ng DPWH na sina Manny Bulusan, Arturo Gonzales Jr., at Denryl Caesar Fortuna. | mula sa panulat ni Jordan Gutierrez

September 2, 2026 0 comment

Newer Posts

Older Posts