HEADLINES

Ibinida ni Pangulong Ferdinand Marcos Jr. ang mga nagawa ng kanyang administrasyon para sa mga Pilipino sa taong 2023.

Kabilang sa mga ito ang pagtatatag ng karadagdagang 33 specialty centers, mahigit 2,000 classrooms, at pitong cold chain facilities.

Mayroon ding pumasok na investments para sa renewable energy sector na may total potential capacity na 121,000 megawatts.

Bukod sa mga ito, nakumpleto rin ang walong water supply projects sa bansa. Mayroon namang karagdagang 147 water projects na isasagawa para sa 2024.

Binigyang-diin muli ng Pangulo ang pangako ng administrasyon na tiyakin ang mahusay at mabilis na serbisyo para sa mga Pilipino.

Aniya, New Year’s Resolution ng pamahalaan ang patuloy na pagbibigay ng dekalidad na serbisyo upang mas umunlad ang buhay ng lahat sa taong 2024.

Itinulak ng administrasyon ni Pangulong Ferdinand Marcos Jr. ang Pilipinas bilang bansa sa Asya na may pinakamabilis na paglago sa ekonomiya ayon sa inilabas na statement ng Department of Finance (DOF).

Ayon kay Finance Secretary Benjamin Diokno, sa kabila ng iba’t ibang hamon gaya ng mataas na inflation, mabagal na paglago ng pandaigdigang ekonomiya, trade restrictions, at geopolitical tensions, nananatili ang bansa bilang isa sa brightest spots sa rehiyon.

Matatandaang lumago ang ekonomiya ng bansa ng 5.5% sa unang tatlong quarter ng taon.

Makikitang ang Pilipinas ang may pinakamabilis na paglago kumpara sa major economies ng China (5.2%), Indonesia (5.1%), Vietnam (4.2%), Malaysia (3.9%), Thailand (2%), at Singapore (0.5%).

Majority ng mga Pilipino ang pabor sa pagtugon ng administrasyon ni Pangulong Ferdinand Marcos Jr. sa isyu sa West Philippine Sea (WPS).

Sa isinagawang “Tugon ng Masa” survey ng OCTA Research para sa third quarter ng 2023, lumabas na 58% ng adult Filipinos ang sang-ayon sa mga programa at polisiya ng pamahalaan tungkol sa territorial dispute sa China.

Mas mataas ito ng 15% kumpara sa isinagawang kaparehong survey noong second quarter ng taon.

Natuklasan din sa survey na karamihan sa respondents na sang-ayon sa state policies sa naturang isyu ay may edad na 75 pataas, habang karamihan naman sa mga hindi sang-ayon ay mga Pilipinong 18 to 24 years old.

Samantala, 42% ng mga Pilipino ang nagnanais na magkaroon ng mas maraming joint patrols kasama ang mga kaalyadong bansa.

Matatandaang simula nang maupo si Pangulong Marcos, nakapaghain ang pamahalaan ng higit sa ilang daang diplomatic protests dahil sa agresyon ng China sa WPS, kabilang na ang paggamit ng military-grade laser at water cannon sa mga barko ng Pilipinas.

Iniulat ng Department of Health (DOH) sa ilalim ng administrasyong Marcos ang mga mahahalagang hakbang na titiyak sa mas accessible at adaptable na serbisyong pangkalusugan para sa lahat ng Pilipino, kasabay ng ginagawang aksyon ng pamahalaan para sa full implementation ng Universal Health Care Act.

Ayon kay Health Secretary Teodoro Herbosa, nakatutok siya sa pagtiyak na magiging accessible ang lahat ng serbisyong pangkalusugan, anuman ang kanilang estado.

As of September 2023, mayroon nang naitatag na 159 Malasakit Centers sa iba’t ibang bahagi ng bansa na nagbibigay ng healthcare services para sa mga lubos na nangangailangan.

Kaugnay nito, kasalukuyang ginagamit ng DOH ang “No One Gets Left Behind” principle na alinsunod sa 8-Point Action Agenda ng ahensya.

Kabilang sa 8-Point Action Agenda na ito ang Bawat Pilipino, Ramdam ang Kalusugan; Ligtas, dekalidad, at mapagkalingang serbisyo; Teknolohiya para sa mabilis na serbisyong pangkalusugan; at Handa sa Krisis.

Kasama rin sa naturang agenda ang Pag-iwas sa sakit; Ginhawa sa Isip at Damdamin; Kapakanan at Karapatan ng Health Workers; at Proteksyon sa anumang pandemya.

Samantala, patuloy namang nakikipag-ugnayan ang DOH sa kanilang stakeholders sa pamamagitan ng meeting, seminars, at conferences na makatutulong sa pagpapalakas ng implementasyon ng Universal Health Care.

Bukod sa ilang bilyong investment pledges, nakapag-uwi rin si Pangulong Ferdinand Marcos Jr. ng higit 200,000 job opportunities para sa mga Pilipino mula sa kanyang official foreign trips simula noong huling quarter ng 2022 hanggang 2023.

Ayon sa Department of Trade and Industry (DTI), nakapaglikha ng 7,100 job opportunities ang pagbisita ni Pangulong Marcos noong nakaraang taon sa Indonesia; higit 14,930 sa Singapore; at 98,000 sa New York, USA.

Nakapag-uwi rin ang Pangulo ng higit 5,500 na trabaho mula sa kanyang pagbisita sa Thailand; 6,480 mula sa Belgium; at 730 mula sa Netherlands.

Para naman sa taong 2023, nakapagbigay ng higit 32,700 na trabaho ang official visit ni Pangulong Marcos sa China; 24,000 sa Japan; higit 6,380 sa Washington, D.C.; at 8,365 sa Malaysia.

Bukod pa rito, mayroon ding makukuha ang mga Pinoy na 450 job opportunities mula sa Singapore; 2,550 mula sa Amerika; at 15,750 mula sa kanyang pinakahuling pagbisita sa Japan.

Samantala, inihayag ni Presidential Adviser on Investment and Economic Affairs Frederick Go na na-actualize na ang P169 billion worth of investment pledges na nakuha ni Pangulong Marcos mula sa Japan na makapagbibigay naman ng ilang libong trabaho sa mga Pilipino.

Dumagsa ang mga namimili ng lechon sa La Loma, Quezon City, sa kabila ng pagmahal ng presyo nito.

Naglalaro sa 9,000 pesos hanggang 12,000 pesos ang presyo ng isang buong lechon.

Umaabot naman sa 1,000 pesos ang presyo ng kada kilo nito sa lechon capital ng Pilipinas.

Kaugnay nito, nasa 600 pesos ang presyo ng kada kilo ng ulo at pata sa La Loma, habang 2,000 pesos ang presyo ng kada kilo ng chicharong bulaklak.