Posibleng nasa bansa pa rin ang casino junket operator na si Weikang Xu na sinasabing nakakubra ng malaking halaga mula sa 81-million dollar money laundering scandal.
Ayon kay Senate Blue Ribbon Committee Chairman TG Guingona, base sa rekords ng Bureau of Immigration, unang dumating sa Pilipinas si Weikang Xu noong March 18, 2015 sa NAIA Terminal 1 at umalis ng bansa noong March 24,2015.
Ipinabatid ni Guingona na muling bumalik si Weikang Xu noong April 1, 2015 matapos siyang pagkalooban ng Immigration ng temporary visitor visa.
Pero, ayon sa Dept. of Foreign Affairs, wala umanong ibinigay ang Philippine Consulate sa China ng visa sa isang nagngangalang Weikang Xu.
By Meann Tanbio
