Sugatan ang isang miyembro ng Citizen Armed Force Geographical Unit (CAFGU) matapos ang nangyaring pagsabog ng granada sa Shariff Aguak, Maguindanao.
Ayon sa mga otoridad, nakilala ang biktima na si Joey Reyes, na nagtamo ng tama ng shrapnel sa kanyang braso.
Naganap ang grenade explosion sa lining detachment ng 1st mechanized battalion ng Philippine Army sa Barangay Lapu-Lapu, Maguindanao.
Patuloy namang inaalam ng mga otoridad ang nasa likod ng pagpapasabog.
Sa ngayon nilalapatan na ng kaukulang lunas ang biktima sa integrated provincial health office ng lalawigan.
